Lukas 2:39 - O GIKIMOI AWI JAJI ma BUKU

³⁹ O Yusuf de ongo Maria ona magena manga manara o Jou Awi bobita moi-moi isilelefo gena dangodu yaaka daboloka, de ona iliho o Nazaret ma dokuka o Galilea ma tonaka.

Lukas 2:39 ပူးပေါင်းရင်းမြစ်များ

Matius 3:15

Ma ngale komagena, so o Yesus wosango unaka wotemo, “Dohaka, la o moi-moi magegena idadi, sababu ngone bilasu pamote komagena la o Gikimoi Awi dupa paaka patotiai.” Dabolo de o Yohanes gena wisimote so o Yesus iwiosika.

Lukas 1:26

Ongo Elisabet gena morohe ma deka he o ngoosa butanga dabolo, de o Gikimoi wosulo so o malaikat Gabriel gena una wotagi o Nazaretka, o doku moi o Galilea ma tonaka,

Lukas 1:6

Yasinoto magena o Gikimoi Awi simaka manga sigogise daloha Awi bobita dangoduka, de yacoho itiai so manga sala o nyawa moi lo akuwa yamake.

Lukas 2:4

Kagena o Nazaret ma dokuka o Galilea ma tonaka de o Yusuf bilasu womajobo. De ma bobai ongo Maria, gena moroheka, muna lo bilasu mowimote, so ona yasinoto imajobo de yotagi ikahie o Yudea ma daeraka, yameta o Betlehem ma dokuka, kiaka ma Kolano Daud idodomaka o doku magenaka wisibubuo. O Yusuf kagena wakahika la manga ronga isilefo de yaeto, sababu una magena awi sihino o Daud awi ngopa de awi danoku.

Lukas 2:51

Dabolo de ona iliho imakangaho manga doku o Nazaretka, de igogou Una wasigise daloha ma awa de ma babaka. O moi-moi idadadika dangodu magena ma awa ami sininga ma rabaka madiahika.

Lukas 4:16

O Yesus wotagi to Una Awi soa de Awi doku o Nazaretka. Kagena de, maro ma biasa to Una Awi manara ma rabaka, so o Sabat ma wangeka Una wotagi wowosa o puji ma tahuka. Kagena de Una womaokoye la o Gikimoi Awi Jaji ma Buku wabaca,

Lukas 4:23

Magena de Una wotemo onaka, “Igogou, done asa ngini ma binuka nisitemo o ade-ade manena Ngohika, ‘He, dokter! Hika Ani rohe masirete gena nosiloha kasi. Nakoso igogou Ngona o nabi moi, de Ngona lo kanena Ani doku masireteka naaka o nonako ihahairani, kiaka miiiseka naaka daboloka o Kapernaumka.’