Lukas 2:38 - O GIKIMOI AWI JAJI ma BUKU

³⁸ So ma orasi o Yusuf de ongo Maria o Gikimoi Awi Tahu ma rabaka, de ongo Hana lo mahino ami sukuru matide o Gikimoika, ma ngale o ngopa Una magena so moade-ade o nyawa yangoduka, kiaka yodamaha ma orasi o Gikimoi done o Yerusalemka ma bi nyawa manga lawangino wapalako.

Lukas 2:38 ပူးပေါင်းရင်းမြစ်များ

Lukas 1:68

“Powigiliri o Jou, Una o Israel awi ngopa de awi danoku gena nanga Gikimoi. Sababu Una magena wahino ma ngale ngone Awi nyawa la nanga saturu yangoduno gena wonapalako.

Lukas 2:25

O orasi magena o Yerusalemka, kanaga o nyawa moi awi ronga o Simeon, una magena awi sininga itiai de awi sigogise daloha o Gikimoika. O Gurumi Datetebi kanaga unaka, de lo una wongongano ma orasi he idumuka o Gikimoi asa o Israel awi ngopa de awi danoku magena wariwo.

Lukas 2:36

Ma orasi o Yusuf de ongo Maria imasidiado o Gikimoi Awi Tahuka, de kanaga lo ma nabi o ngopedeka moi miperekika, ami ronga ongo Hana. Muna magena o Fanuel awi ngopa o Asyer manga soano. O orasi magenaka, de ami umuru o taungu moritupaange de iha. Muna idomaka mokawi cawali o taungu tumudingi, kagena de mobaloka so mokawi kawa. Muna magena asa ma moi waasi o Gikimoi Awi Tahu matinga, o putu de o wange mosumbayang de lo moodowa de moudowa mosisuba o Gikimoika.

Lukas 24:21

Ena momongo, ngomi miwingongano Una asa ngone o Israelka ma nyawa nanga saturuno wonapalako. O wange manena he o wange saange dabolo Una witoomaka.

2 Korintus 9:15

Hino la ngone nanga sukuru patide o Gikimoika, sababu igogou to Una Awi ngongike gena daloha icarawa.

Efesus 1:3

Ngohi kanaga totemo nanga Jou Yesus Kristus ma Baba gena o Gikimoika, “Ya, Jou! Ani laha ka ilamo poli.” Sababu ma ngale ngone dede ma Kristus pomarimoika, so Una Awi laha moi-moi kanaga o sorogaka gena dangodu wonahike daboloka.