Lukas 18:16 - O GIKIMOI AWI JAJI ma BUKU

¹⁶ Kagena de o Yesus o ngopa-ngopa magena waaso de wotemo Awi muri-murika, “Niadohaka, la o bi ngopa ona magena yahino Ngohino. Upa lo niafati de lo niasimahawa. Sababu o bi nyawa imatero maro o ngopa ona manena asa yaaku iwosa o Gikimoi Awi paretaka.

Lukas 18:16 ပူးပေါင်းရင်းမြစ်များ

Matius 19:14

Kagena de o Yesus wotemo onaka, “Niadohaka, la o bi ngopa ona magena yahino Ngohino. Upa lo niafati de lo niasimahawa. Sababu o bi nyawa imatero maro o ngopa ona manena asa yaaku iwosa o Gikimoi Awi paretaka.”

Lukas 18:15

O wange moiku o bi nyawa manga ngopa yacecekesi o Yesuska yaaho la wapada de wogolo tanu o Gikimoi Awi laha wasicatu onaka, duma Awi muri-muri yakelelo, de yatoosa so yadogore ona magenaka, “Upa niahika!”

Lukas 18:17

So ngini tinisingangasu igogou, nakoso ngini niholu o Gikimoi ngini winipareta maro ka o ngopa, ngini magena akuwa niamake o Gikimoi Awi pareta.”

Rasul 2:39

Sababu o Gikimoi Awi jaji done asa o Gurumi Datetebi wahike gena, ma meta nginika sidago nia ngopa de nia danoku de lo ma meta o bi nyawa yangodu kanaga manga riho ikukuruka, ena gena nagoona bato nanga Jou Gikimoi wodupa waaso so ona yahino Unaka.”

1 Korintus 14:20

Ai dodiao nipipiricaya, upa nia sininga maro o ngopa-ngopa, so hika nia sininga gena idadi itiai maro o dodihimoka. Duma nako o dorou gena, ngini bilasu nimasitero maro o ngopa ma ceceke la yanako waasi o dorou yaaka.

1 Korintus 7:14

Sababu ma ngale ma pedeka o Jou Yesus mowipiricayaka so ami roka, ngaroko wopiricayawa, duma una magena o Gikimoi asa winano daloha. Komagena lo ma ngale ma roka o Jou Yesus wipiricayaka so awi pedeka, ngaroko mopiricayawa, duma muna magena o Gikimoi asa wominano daloha. Nako komagenawa, de igogou to ona manga ngopa o Gikimoi asa ka wanano datorou, imatero maro o nyawa ipipiricayawa manga ngopa. Duma to ngini nia ngopa magena igogou o Gikimoi asa wanano daloha, sababu manga dodihimo imatengo kanaga de manga piricayaka.

1 Petrus 2:2

Duma ngini magegena bilasu foloi niodupa o Gikimoi Awi demo nisigise, maro o ngopa asa isibubuoku so kanaga foloi yodupa yosusu. Bilasu niaaka komagena la ngini nia piricaya Unaka gena aku idadi foloisi daputuru, sidago ma dodoguka de ngini magena o Gikimoi winisalamati lo daboloka.