Lukas 17:4 - O GIKIMOI AWI JAJI ma BUKU

⁴ Nakoso o wange moi una lo o dorou waaka ngonaka, nagala sidago wosipara ma tumudingi, de o orasi magena moi-moi una wamalo so wahino wogolo upa ani sininga ikurangi, gena ngona bilasu una nowisiapongu.”

Lukas 17:4 ပူးပေါင်းရင်းမြစ်များ

Matius 18:16

Duma nako wadehe woholu, hika womatengo eko yasinotosi nangaho la unaka niwidemo. Sababu o Gikimoi Awi Jaji ma Buku ma rabaka idomaka isilelefo itemo, ‘Nakoso o nyawa moi kanaga wikalaki, de bilasu kanaga o saksi yasinoto eko yaruwange isingangasu la ma ngale o galaki unaka gena yaaku isinako itiai.’

Matius 18:35

O Yesus o ade-ade gena wosiboloka, de wotemo, “So komagena lo Ai Baba o sorogaka asa waaka ngini moi-moika, ka cawali ngini lo nia dodiao niasiapongu igogou de itiai.”

Matius 5:44

Duma orasi manena Ngohi totemo nginika, o nyawa nidodoosa ona magena lo niadodara, de lo o nyawa la nisangisara gena niasisumbayang.

Matius 6:12

De to ngomi mia dorou tanu nosiapongu, imatero maro ngomi lo o nyawa manga dorou gena miasiapongu.

Lukas 17:5

O Jou Yesus Awi muri-muri itemo Unaka, “Jou, mia piricaya gena nosiputuru ngomika bai!”

Roma 12:20

De ngini gena bilasu niaaka maro isilelefo o Buku ma rabaka itemo, “So nakoso nia lawangi kanaga yasapi eko manga kiri dadudu, bilasu ona niariwo niahike o ino la iodo, de o ake la iudo. De nia manara magena ona niasimade so manga dorou nginika imatoba de imatoduba.”