Lukas 17:14 - O GIKIMOI AWI JAJI ma BUKU

¹⁴ Ma orasi Una wakelelo, de Una wotemo onaka, “Nitagi nigila-gila o bi imamka, la nia rohe nisitailako kasi.” So ona imajoboka. So o ngeko ma soaka de o orasi magena bato de ona he yalohaka.

Lukas 17:14 ပူးပေါင်းရင်းမြစ်များ

Matius 3:15

Ma ngale komagena, so o Yesus wosango unaka wotemo, “Dohaka, la o moi-moi magegena idadi, sababu ngone bilasu pamote komagena la o Gikimoi Awi dupa paaka patotiai.” Dabolo de o Yohanes gena wisimote so o Yesus iwiosika.

Lukas 5:14

Dabolo de o Yesus wipoma wotemo, “Upa nodedemo o nyawaka. Cawali nogila-gila o imamka, la ani rohe yatailako. So naaka maro o Musa awi bobita wotetemoka, de ani gaso natota o Gikimoika, maro o sinako moi o bi nyawaka igogou ngona nilohaka.”

Yohanes 11:10

Duma nakoso o nyawa la imadagi o bubutu ma rabaka, ona gena o bubutu yafatika, sababu manga rabaka gena o nita ihiwa.

Yohanes 2:5

Ngaroko komagena, duma ma awa motemo o rarame ma bi leleanika, “O kia bato Una wosulo nginika, magena ngini bilasu niaaka.”

Yohanes 9:7

Wosipalasa daboloka, de wopipilo magenaka wotemo, “Hika notagi o Siloam ma ake ma lepaka, de o ake magena ani bio nosimasau kasi.” (Manga demo o Siloam gena ma ngale ‘o ake isiuhi o taboko’.) So wopipilo una magena wotagi wokahika o ake magenaka. Ato awi bio de o ake wosimasauka, de aku womasigeleloka so woliho de awi lako ipilo kawa.