Lukas 16:3 - O GIKIMOI AWI JAJI ma BUKU

³ O arata ma jojaga una magena asa awi siningaka wotemo, ‘O kia asa taaka. Ai tuangi wodupa woidusu ngohi. Ngohi iputuruwa totoro, de tomanara, de togogolo-golo o nyawaka gena ka imade.

Lukas 16:3 ပူးပေါင်းရင်းမြစ်များ

Matius 20:8

Kagena de o wange itumuka, de ma doro ma duhutu magena wotemo awi nyawa wosisasahe moika, ‘Naaso yomomanara ona magena la ma ngale manga sewa moi-moi nafangu. Ma nonomaka sidago ona ibitototuuruno o cako motoha de asa yowowosa lo nafangu, dabolo de nafangu ona imomanara ibidodomano o goginita nosi de yowosaka.’

Markus 10:46

De o Yesus o Yerikhoka womasidiado. So o orasi magena dabolo de Una de Awi muri-muri de o nyawa yadadala o doku magena yodongosa so itagi yahika o doku ma ngoguka, de kagena naga o nyawa moi wopipilo awi ronga o Bartimeus, gena o Timeus ma ngopa, una magena o ngeko ma dateka wogogeku de wogogolo.

Lukas 12:17

Una awi sininga ma rabaka wotemo, ‘Awalele! Ngohi gena o kiasi taaka. Ai pola gena ilamowa, so ka daceke poli la ai tona ma hasil magena tadiahi.

Lukas 16:2

So wokakaya una magena awi arata ma jojaga gena wiaso, de wotemo unaka, ‘Ngohi toise kanaga o galaki moi ma ngale ngona. O orasi manena bato o nagi ma bi buku dangodu gena nosikelelo ngohika. O wange manena de ai arata ngona masirete asa naaturu kawa bai!’

Lukas 16:20

To una awi ngora ma duduka kanaga o nyawa wosususa moi, kagena wisigogeku, una magena awi ronga o Lazarus. Awi rohe ipasiku de o nabo,

Lukas 16:22

O wange ma moiku de wosususa una magena wosone de o bi malaikat iwingaho o Abraham awi dateka, ena gena o riho daloloha moika. De wokakaya una magena lo wosone de wipoosuka.

Lukas 16:4

Eh! Ngohi ai akali kanaga ibaoka! Ngohi he dangade idusu so bilasu tasari kasi ai dodiao yadala-dala tamake, la tomanara kawa de ona ngohi idehe daloha manga tahuka.’

Lukas 18:4

Ma nonomaka, o hakim magena munaka gena womiriwo woholu. Duma ma duuruka, awi sininga ma rabaka wotemo, ‘Ngaroko ngohi o Gikimoi towimodowa de lo nagoona bato tasidoohawa,

Yohanes 9:8

So o nyawa ona kanaga wopipilo awi tahu ma dateka igogoge, ona magena de lo o nyawa ona ma nonomasi iwikeleloka una gena o ngeko ma dateka wogogolo, ona magena lo imatekekasano itemo, “Una magena ma nonomasi de wopiloka, eh? Komagena lo idomaka ngone powikelelo una o ngeko ma dateka de wogogolo.”

Rasul 3:2

Kanaga o nyawa wolulugu moi ma orasi ka wisibuo kusi o wange isigeto una magena iwingaho de iwihadoku kagena o ngoraka, kiaka isironga o Ngora Daloloha, la o pipi wogogolo o nyawa nagoona bato itagi isumbayang o Gikimoi Awi Tahu ma lolohaka.

Rasul 9:6

Duma o orasi manena nomomi la notagi nowosa o kotaka, de kagena asa nisingangasu o kia bilasu ngona naaka.”

2 Tesalonika 3:11

De ngomi o habari miise gena ngini nimuruo naga nibusengi so nimanarawa so o manara moi lo niaakawa, de ka cawali o nyawa manga aturu moi-moika kanaga ngini lo nicapu.