Lukas 15:18 - O GIKIMOI AWI JAJI ma BUKU

¹⁸ So ngohi asa toliho ai babaka, de totemo unaka: Baba, ngohi kanaga de ai sala o Gikimoika de lo ngonaka.

Lukas 15:18 ပူးပေါင်းရင်းမြစ်များ

Matius 3:6

O riho magenaka o nyawa yadala yoise de yamote o Yohanes awi dodoto so to ona manga dorou imamangaku o Gikimoi Awi simaka, dabolo de asa o Yohanes waosi o Yordan ma Seleraka.

Matius 6:14

Nakoso o nyawa la kanaga manga dorou nginika, de ona magena ngini niasiapongu, de ngini lo asa nia Baba o sorogaka winisiapongu.

Matius 6:9

So hika nisumbayang komanena, ‘Mia Baba kadaku o sorogaka, migolo tanu to Ngona Ani ronga o nyawa yangodu isihoromati.

Matius 7:11

So ngini o nyawa, ngaroko nia sininga itiai waasi, duma kanaga o kia naga daloha niahike nia ngopaka. Nako komagena niaaka, de ka igogou o loha lo nia Baba o sorogaka asa wahike nakoso o nyawa nagoona igolo Unaka.”

Lukas 11:2

De o Yesus watemo onaka, “Nako nisumbayang, nitemo komanena, ‘Mia Baba, migolo tanu to Ngona Ani ronga o nyawa yangodu isihoromati, de Ngona nokolano o duniaka,

Lukas 15:17

So kagena awi susa ma rabaka, una asa wamamalo wotemo, ‘O bi nyawa imomanara ai babaka to ona magena manga ino ka de ma boloi, duma nako ngohi kanena isapi gena he dangade tosone bai!

Lukas 15:19

Idadi kawa ngohi manena noieto ani ngopa. Lebelaha noieto maro ka ani gilalo moi.’

Lukas 15:21

So o ngopa magena wotemo, ‘Baba, ngohi kanaga de ai sala o Gikimoika de lo ngonaka. Idadi kawa ngohi manena noieto ani ngopa.’

Lukas 18:13

Duma o balastengi wototolomu una magena ka ikuruka womaokoye, de una woholu o dipaye womamataga de lo ma ngale awi beleso so awi mamata masirete wangangapoka, de wotemo, ‘Ya Gikimoi, tanu ngohi noigalusiri, ngohi manena o nyawa ma dorou.’ ”