Lukas 12:9 - O GIKIMOI AWI JAJI ma BUKU

⁹ Duma nagoona la kanaga yomanosu, yotemo Ngohi inakowa, de ona lo o Gikimoi Awi malaikat-malaikat manga simaka Ngohi asa tomanosu de totemo, ‘O nyawa ona manena to Ngohi Ai nyawa imomote yasowo.’

Lukas 12:9 ပူးပေါင်းရင်းမြစ်များ

Matius 10:33

Duma nagoona la kanaga yomanosu, yotemo Ngohi inakowa, de ona lo Ai Baba o sorogaka Ngohi asa tomanosu de totemo, ‘O nyawa ona manena to Ngohi Ai nyawa imomote yasowo.’ ”

Matius 25:12

Wokakawi gena wotemo, ‘Igogou, ma ngale ngini ngohi tininakowa.’ ”

Matius 25:31

“Ngohi o Nyawa ma Duhutu manena done ma orasi Ngohi tahino kali, de Ai kuasa ma buturu asa ifoloi de lo Ai malaikat yangodu-ngodu imoteno. Ngohi asa tomatamiye Ai pareta ikokuasa ma kursika.

Matius 25:41

Dabolo de Ngohi asa tatemo o bi nyawa Ai gubalika, ‘Nitagi kasi, ngini gena Ai Baba winikukutuku. Niahika bato nia riho o uku ma sora ikokakali kagena ma rabaka, kiaka wosidodailako dabolo ma ngale o Ibliska de lo awi malaikat-malaikat wimomote.

Matius 7:23

So Ngohi asa tosango totemo onaka, ‘Ngini gena Ngohi tinidodoohawa. Nitagi kasi, ngini de nia gogoho ma dorou imatero maro o ngosoku ma deda.’ ”

Markus 8:38

Ma orasi manena o dunia iwedoka de o dorou so o Gikimoi iwiholuka. So upa o nyawa yamade isihabari ma ngale Ngohi de lo Ai dodoto. Sababu nagoona yamade isihabari, done Ngohi o Nyawa ma Duhutu lo asa ona toholu tanako, ma orasi Ngohi tahino kali o duniaku dede to Ngohi Ai kuasa, kiaka isikokelelo maro Ai Baba Awi kuasa, de Awi malaikat yadadala.”

Lukas 15:10

Komagena lo o Gikimoi Awi malaikat-malaikat yanali sababu o nyawa moi, nakoso awi dorou eko ami dorou imatoba de imatoduba.”

Lukas 22:57

Duma una womanosu de wotemo moleleleanika, “Ngohi towinakowa o nyawa Una magena!”

Lukas 9:26

Upa o nyawa yamade isihabari ma ngale Ngohi de lo Ai dodoto. Sababu nagoona yamade isihabari, done Ngohi o Nyawa ma Duhutu lo asa ona toholu tanako, ma orasi Ngohi tahino kali o duniaku dede to Ngohi Ai kuasa, kiaka isikokelelo maro Ai Baba Awi kuasa, de Awi malaikat yadadala.

2 Timotius 2:12

De nakoso ngone o sangisara pamoku daputuru, asa o nyawa ngone lo popareta dede Una. Duma nakoso ngone potemo Una powinakowa, asa Una lo wotemo ngone wonanakowa.

1 Yohanes 2:23

Nakoso o nyawa la kanaga yomanosu o Baba ma Ngopaka gena, ona dede o Baba lo imarimoiwa. Duma nakoso o nyawa la kanaga o Baba ma Ngopa lo iwidehe daloha gena, ona dede o Baba lo imarimoika.

1 Yohanes 2:28

Komagena so, ai ngopa-ngopa tinisosininga, ngohi tongongano to ngini nia rimoi dede ma Kristus foloi daputuru. Nakoso paaka komagena, done ma orasi Una wahino kali o duniaka, de ngone asa powimake de nanga baranika de nanga made lo ihiwa.

Gogelelo 3:8

Ngohi tanakoka o bi moi-moi gena ngini asa niaakaka. Ngaroko ngini gena nia buturu ka ma cunu, duma to Ngohi Ai dodoto gena niiseka, de Ngohi nimoteka, de lo nidongosa waasi. He! Tanu niakelelo! Kanaga nia simaka o ngeko moi Ngohi tinibelengaka, la ma ngale Ai manara aku ngini niaaka de magena o nyawa moi lo yaakuwa yafati.