Lukas 12:41 - O GIKIMOI AWI JAJI ma BUKU

⁴¹ Kagena de o Petrus wosano o Yesuska, “Jou, o ade-ade magena nomisimeta ka ngomika, eko lo o nyawa yangoduka.”

Lukas 12:41 ပူးပေါင်းရင်းမြစ်များ

Markus 13:37

So o kia bato Ngohi asa tinidodedemo nginika, magena lo todedemo o nyawa yangoduka: La bilasu imajaga imasidodiahi!”

Markus 14:37

Dabolo de Una wokahino de wamake ona yaruwange yakioloka. De Una wotemo, “Petrus, o kiaso nikioloka, orasi moi bato de nomajaga naakuwa.”

Lukas 12:47

Yoleleani la kanaga yanako manga tuangi awi dupa, duma imasidailakowa de lo o tuangi awi dupa gena yaakawa, igogou ona magena yangangapo dasiri.

Lukas 12:48

Duma yoleleani la kanaga yanakowa manga tuangi awi dupa, de done yaaka o kia naga isasala sidago bilasu yasifanggali de o dorou, ona magena asa yangapo ka ma cunuka. Sababu nagoona aku yapiricaya so yahike de ma boloika, komagena lo bilasu aku yagolo de yagegego onaka.”

1 Petrus 4:7

O dunia ma dodogu gena he yaadoka. Komagena so hika to ngini nia nyafusu niapareta daloha de lo nia siningaka niatuga itiai la foloi nia sumbayang lo aku niatide.

1 Petrus 5:8

De lo ngini bilasu nia sininga de nia rohe ma nyafusu gena niapareta daloha de lo nimajaga so nimasidailako daboloka. Sababu nia lawangi o Iblis gena o ngeko womasisari ma ngale ngini nipipiricaya winisitura, maro o singa moi yakahika yakahino ka imuru-muru yasari ma ino la aku yaodo.