Lukas 11:41 - O GIKIMOI AWI JAJI ma BUKU

⁴¹ Bilasu o kia naga nia udo-udo de nia lelenga ma rabaka gena niahike idoma kasi o bi nyawa isususaka, la nia sininga ma rabaka dangodu lo idadi datebi de daloha.

Lukas 11:41 ပူးပေါင်းရင်းမြစ်များ

Matius 26:11

O bi nyawa isususa salalu kanaga igoge to ngini nia sidongirabaka. Duma Ngohi de ngini asa pomakangaho iteka kawa.

Matius 5:42

De lo nakoso kanaga nia arata moi la o nyawa ma somoa yagolo, de hika niahike onaka. De upa lo nisikusu nia moi-moi, nakoso o bi nyawa yodupa yabau nginino.”

Markus 7:19

Sababu o kia waoodo magena to una awi siningaku iwosawa, duma iwosa awi pokoku, so ma duuru de wosihoho so isupu kali.” (De o Yesus Awi demo manena Una wasingangasu, so o ino dangodu gena aku ngone paodo.)

Lukas 12:33

Komagena so Ngohi totemo, nitagi kasi la nia arata nia tahu ma rabaka dangodu nisiija de ma pipi o nyawa isususaka niasitoku. Bilasu o pipi ma ngihi nimagaka la done yaraca lo yaakuwa. Sababu magena idadi isitero de o soroga ma kaya, kiaka niadodiahi de done isisawa, sababu o nyawa moi lo akuwa yatosi de lo o lupu yaakuwa yaodo so ibakawa.

Lukas 16:9

Komagena so Ngohi totemo nginika, o kaya o dunia manenaka ngini bilasu niapake la o nyawa niariwo, ma ngale ma orasi done o kaya magena isisaka, de ngini manena asa nidehe daloha o riho ikokakalika kagena o sorogaka.

Lukas 18:22

O Yesus woise komagena, de wotemo, “Cawali o ngai moisi naaka waasi. Notagi kasi la ani ronga moi ani tahu ma rabaka nosiija de ma pipi o nyawa isususaka nasitoku, la ngona asa namake o arata ma duhutu o sorogaka. Daboloka, de nahino la noimote Ngohi.”

Lukas 19:8

Kagena de o Jou Yesus waado o Zakheus awi tahuka, de o Zakheus una magena womaokoye de wotemo Unaka, “Jou, to ngohi ai arata ma sononga asa ngohi tahike o bi nyawa isususaka, de lo nagoona tasihaga, so manga pipi tadeheka, asa ngohi tatagali de tosigiliho onaka sidago ma para iha.”

Rasul 10:15

Kagena de o ili magena itemo kali unaka, “O kia o Gikimoi wotemo magena aku ka paodo, upa ani sininga ma rabaka itemo yaakuwa.”

Rasul 11:29

Mutuwade o bi nyawa ipipiricaya gena imatekerimoi la manga roriwo o pipi yosidingo manga dodiao ipipiricaya o Yudeaka igogoge, manga roriwo moi-moi ma lamo yamote de to ona manga aku masirete.

Rasul 24:17

Kanaga ma deka o taungu muruo naga ipasaka, de ngohi toliho kali o Yerusalemka ma ngale o roriwo o pipi ma cunu tatota o nyawa isususaka de lo ai gaso o haiwani tatota tosisuba o Gikimoika.

2 Korintus 8:12

Dadoohawa, nakoso ngini niaakuwa. Sababu nakoso ngone nanga buturu masirete pamomote gena ka pokaeli pahike de nanga sininga itotiai, de nanga ngongike magena o Gikimoi asa wadehe daloha.

Efesus 4:28

O nyawa itotosi bilasu upa itosi kali. Duma ona bilasu de manga gia masirete imanara ikaeli manga oho isisari, la aku o nyawa isususa lo yahike.

Titus 1:15

Nakoso o nyawa manga sininga ibolowo, asa manga manara moi-moi dangodu magena itiai o Gikimoi Awi simaka. Duma nakoso ona o Yesus Kristus iwipiricayawa, manga sininga asa datorou so manga manara moi-moi lo dangodu gena asa datorou o Gikimoi Awi simaka. Komagena lo o guru ikokulai ona manga siningaka cawali yasosininga o dorou de lo manga sininga ma rabaka datogoi sidago lo itemo manga manara datotorou gena dangodu itiai.

Ibrani 13:16

De upa sidago ngone pawosa o loha o nyawaka paaka de lo o kia naga de maena ngoneka gena pahike o nyawaka, sababu o manara magena maro o suba moi kiaka o Gikimoi wodudupa.

Ibrani 6:10

Sababu o Gikimoi o bi moi-moi dangodu igogou waaka itiai. Una asa wawosawa to ngini nia manara de lo nia dodara kiaka nisikokelelo Unaka, ma orasi idomaka sidago o orasi manena naga ngini nia dodiao o Jou Yesus wipipiricaya ona magena niariwo.

Yakobus 1:27

So nakoso o nyawa la o Gikimoi widodara, so manga moi-moi yaaaka gena igogou daloha de manga dorou moi lo ihiwa nanga Baba Gikimoi Awi simaka. So ona magegena bilasu yaaka maro komanena: Nakoso ibabalo eko o ngopa imagogoosi la kanaga ona o susa yamake, done asa ona magena yariwo. De ona lo asa imajaga, ma ngale o nyawa o Gikimoi wihoholu gena manga dorou moi lo akuwa he yososininga, upa sidago magena lo ona yaaka.