Lukas 11:20 - O GIKIMOI AWI JAJI ma BUKU

²⁰ Ma ngale Ngohi o bi toka todusu de o Gikimoi Awi kuasa so isinako itiai nginika, la o orasi manena dabolo ma orasi o Gikimoi wodadi kolano to ngini nia sidongirabaka.

Lukas 11:20 ပူးပေါင်းရင်းမြစ်များ

Matius 12:28

Ma ngale Ngohi o bi toka todusu de o Gikimoi Awi Gurumi ma kuasa so isinako itiai nginika, la o orasi manena dabolo ma orasi o Gikimoi wodadi kolano to ngini nia sidongirabaka.

Matius 3:2

So awi ino gena ka o galasosoko de o hopu ifofufuru ma madu, de awi baju lo ka o unta ma gogo, de awi doi ma bobiliku lo ka o haiwani ma kahi. Kanaga o Yerusalemno ma bi nyawa, o Yudea ma bi doku de ma bi kotano ma nyawa, de o Yordan ma Selera ma sigilolino ma bi doku-dokuno ma nyawa gena he yangodu o tona ibobeleuka yahino o Yohanes Wooosika. So kagena o nyawa yadadala manga simaka de una wadoto de wasingangasu, de womatoore wotemo, “He! Ngini bilasu nimatoba de nimatoduba la nia dorou niodongosa, sababu ma orasi he imasidiado ma ngale o Gikimoi asa wopareta maro o kolano moi.” O Yohanes gena una manena dabolo maro o kia idomaka o Jou Awi demo ma nabi Yesaya wosilelefo daboloka, ena gena, “Kanaga o nyawa moi o tona ibobeleuka womatotoore, ‘He! Ma ngale nanga Jou Awi hino gena ngini nimasidailako. La o ngeko gena bilasu nisibolowo de nisitiai.’ ”

Matius 4:24

Mutuwade o habari ma ngale o Yesus gena o bi nyawa yogiise de yanako sidago o bi doku o Siria ma daera ma sigilolino, so o nyawa yadadala yahino Unano. O nyawa ona magena yangaho o nyawa yasisiri yadala moi-moi de manga panyake imaketerowa. O nyawa ona magena kanaga manga siri isangisara poli, yakokitoka, yamumusu de lo manga rohe isosone yangodu ona magena Una wasilohaka.

Lukas 10:11

‘Nia doku ma gaapo, kiaka to ngomi mia dohuka gena, miapari kasi la imaaka o nonako moi nginika, igogou ngini magena de nia fajaka o Gikimoi Awi simaka. Duma niosininga, ma orasi yaadoka ma ngale o Gikimoi asa wopareta maro o kolano moi.’ ”

Lukas 10:9

O doku magena ma nyawa ibipopanyake niasiloha de lo niasingangasu o doku magenaka, ‘Ma orasi yaadoka ma ngale o Gikimoi asa wopareta maro o kolano moi nia sidongirabaka.’

Lukas 11:21

O Iblis gena aku positero maro wipoputuru moi. Nakoso o nyawa moi wipoputuru awi tahu wojaga gena de awi dahe dangodu, de awi arata o tahu ma rabaka gena yakoorawa.

Rasul 20:25

De o orasi manena ngohi tanakoka ngohi ngini tinikurumi de tosihabari daboloka, idodooha o Gikimoi wopareta maro o kolano moi o nyawaka, so ningodu manena done asa ngohi he nikelelo kawa.

2 Tesalonika 1:5

Mia dodiao nipipiricaya, ngini nisangisara duma o Jou Yesus niwipiricaya daputurusi gena, inasinako de inasikelelo ngoneka igogou done asa o Gikimoi o nyawa yangodu manga dorou de manga loha ma sopo lo wafanggali itotiai. De komagena lo ngini nisangisara sababu o orasi manena o Gikimoi niwisimaha la Una winipareta gena, ma ngale o orasi ma simaka done asa o nyawa yangodu manga simaka o Gikimoi wositatapu gena igogou ngini nia sininga itiai de itero, so bilasu ngini niwosa to Una Awi pareta ma rabaka.