Lukas 10:25 - O GIKIMOI AWI JAJI ma BUKU

²⁵ Kanaga manga sidongirabaka o guru agama moi awi edekati ma ngale o Yesus iwisisala de o sosano moili, de wotemo, “Baba Guru, ngohi bilasu o kia taaka la tamake o oho ikokakali.”

Lukas 10:25 ပူးပေါင်းရင်းမြစ်များ

Markus 10:17

Ma orasi o Yesus Awi dodagi wadofa kali, de o nyawa moi widogogora Unaka. De o nyawa una magena wobukuku de wosuba Unaka, de womasano, “Baba Guru, Ani sininga daloloha, ngohi bilasu o kia taaka la tamake o oho ikokakali.”

Markus 10:3

Kagena de Una wosango, “O Musa o bobita winihike nginika gena idodooha.”

Markus 12:28

Kagena de o guru agama moi wosigigise o Yesus de o Sadukika ma nyawa imatekebobicara de imatekekokasango. Ma guru agama magena wanano o Sadukika manga bicara dangodu Una gena wasango daloha icarawa, so una wahino la o Yesus wisano, “O bobita kiaka foloi ilamo de o Gikimoi Awi bobita dangodu manena.”

Lukas 10:24

Sababu kanaga idodomaka o bi nabi de o bi kolano yadala lo yodupa yakelelo o kia o orasi manena ngini niakokelelo, duma ona yakelelowa. Ona lo yodupa yoise o kia o orasi manena ngini nioiise, duma ona yoisewa.”

Lukas 10:26

De o Yesus wotemo, “O Jou Awi Bobita ma buku ma rabaka gena o kia isilelefo.”

Lukas 18:18

O wange moiku o puji ma tahu wapopareta moi womasano o Yesuska, “Baba Guru, Ani sininga daloloha, ngohi bilasu o kia taaka la tamake o oho ikokakali.”

Lukas 7:30

Duma nakoso o bi Farisika de o bi guru agama, ona magena o Gikimoi Awi ngale ma ngale manga ohoka gena yoholu yadehe, sababu idomaka gena o Yohanes ona waosi lo yoholu.

Yohanes 8:6

Komagena ona de manga gulai yahino Unaka, sababu ona manga edekati gena asa Una iwisabatolo, la ma ngale ona aku iwikalaki Una o Gikimoi Awi bobita o Musa wosilelefo gena walawangi. Duma Una asa wobicarawa de ka womapuguku de Awi raraga o tonaku wosilelefo.

Galatia 3:18

Nako o nyawa kanaga o bobita magena yamoteka so o Gikimoi Awi jaji wosiganapu onaka, so upa de o sababu magegena so Una wojaji ma ngale Awi jaji magena yamake. Mutuwade upa ma sababu o Gikimoi Awi bobita gena o Abraham wamoteka so o Gikimoi Awi jaji unaka gena wosiganapu, duma ma sababu Una Awi laha asa wodupa wosidumu o nyawaka.