Lukas 10:17 - O GIKIMOI AWI JAJI ma BUKU

¹⁷ Ipasaka, de o Yesus wimomote yamoritumudingi ona magena ikahino kali de manga nalika, de ona itemo Unaka, “Jou, o bi toka lo imisigise ngomika de iloda, nako de to Ngona Ani ronga so miodusu bai!”

Lukas 10:17 ပူးပေါင်းရင်းမြစ်များ

Matius 4:24

Mutuwade o habari ma ngale o Yesus gena o bi nyawa yogiise de yanako sidago o bi doku o Siria ma daera ma sigilolino, so o nyawa yadadala yahino Unano. O nyawa ona magena yangaho o nyawa yasisiri yadala moi-moi de manga panyake imaketerowa. O nyawa ona magena kanaga manga siri isangisara poli, yakokitoka, yamumusu de lo manga rohe isosone yangodu ona magena Una wasilohaka.

Markus 16:17

La o nyawa yopipiricaya ona magena tahike Ai kuasa la o nonako ihahairani aku yaaka. Komagena lo de to Ngohi Ai ronga aku o toka yodusu, de ona lo asa isibicara o bi bahasa ma somoa,

Lukas 10:1

Dabolo de o Jou Yesus wimomote manga sidongirabano wahiri yamoritumudingi, de wasulo la ona yasosinoto asa itagi yododoma o doku yageto, kiaka done Una lo wototuuru de asa watulu.

Lukas 10:20

Ngaroko komagena, upa sidago ma ngale o bi toka inisigise nginika gena ngini ninali. Duma ifoloi daloha ngini ninali ma ngale nia ronga kanaga yalefo o sorogaka.”

Lukas 10:9

O doku magena ma nyawa ibipopanyake niasiloha de lo niasingangasu o doku magenaka, ‘Ma orasi yaadoka ma ngale o Gikimoi asa wopareta maro o kolano moi nia sidongirabaka.’

Lukas 9:1

O Yesus Awi muri yamogiowo de sinoto watolomuno, la o kuasa wahikeka, ma ngale o toka dangodu yodusu de lo ibipopanyake yasiloha.

Roma 16:20

De lo nakoso o nyawa ona magenano nimasireseka, itekawa de asa o Gikimoi, o sanangi wonahihikeka, Una magena lo o Iblis waturaka. Ngohi togolo tanu nanga Jou Yesus Una Awi laha asa kanaga wosidumusi ngini ningoduka. Amin.

Efesus 5:24

So maro ngone o gogobu inangodu kanaga ma Kristus powisigise, komagena lo o ngopedeka moi bilasu ma roka modupa mowisigise.