Lukas 1:68 - O GIKIMOI AWI JAJI ma BUKU

⁶⁸ “Powigiliri o Jou, Una o Israel awi ngopa de awi danoku gena nanga Gikimoi. Sababu Una magena wahino ma ngale ngone Awi nyawa la nanga saturu yangoduno gena wonapalako.

Lukas 1:68 ပူးပေါင်းရင်းမြစ်များ

Dodadi 14:20

O Gikimoi Nilalamo Ani ronga posilamo, sababu una nowisiputuru awi lawangi lo wautungu.” Dabolo de o Abram awi arata wakokooraka o regu mogiowo gena o regu moi wahike o Melkisedekka.

Dodadi 24:27

wotemo, “O giliri tatide de tosilamo o Jou Awi ronga, sababu ai baba o Abraham awi Gikimoi gena Una wototiai, so Awi laha asa wosidumu ai baba o Abrahamka, sidago lo maro o kia naga wijajaji unaka so ngohi woituda de woingaho, la woisikahika ai baba to una awi ria de awi gianongoruka.”

Dodadi 9:26

O Jou Ani ronga tanu ngone posilamo. Ngona magena o Sem awi Gikimoi. Tanu o Kanaan gena idadi o gilalo so wisigise o Semka.

Lukas 1:71

ngone nanga saturu de lo o nyawa ngone inadoduhudu manga gia ma sohano aku Una wonapalako.

Lukas 19:44

Ona magena asa nia doku de ma raba dangodu yabodito, sidago lo iruba de ituraba so ma teto ngai moi lo asa imalapangawa de o teto ma somoa. Sababu ngini niwimaha-mahawa o Gikimoi Awi hino nginika la ngini winiriwo.”

Lukas 2:38

So ma orasi o Yusuf de ongo Maria o Gikimoi Awi Tahu ma rabaka, de ongo Hana lo mahino ami sukuru matide o Gikimoika, ma ngale o ngopa Una magena so moade-ade o nyawa yangoduka, kiaka yodamaha ma orasi o Gikimoi done o Yerusalemka ma bi nyawa manga lawangino wapalako.

Lukas 24:21

Ena momongo, ngomi miwingongano Una asa ngone o Israelka ma nyawa nanga saturuno wonapalako. O wange manena he o wange saange dabolo Una witoomaka.

Lukas 7:16

Kagena de o nyawa yangodu yohairani so iwisigiliri o Gikimoi, de yotemo, “Wewe! O nabi wilalamo moi womasinako to ngone nanga sidongirabaka. Igogou, o Gikimoi wahino o loha waaka Awi nyawaka.”

Efesus 1:3

Ngohi kanaga totemo nanga Jou Yesus Kristus ma Baba gena o Gikimoika, “Ya, Jou! Ani laha ka ilamo poli.” Sababu ma ngale ngone dede ma Kristus pomarimoika, so Una Awi laha moi-moi kanaga o sorogaka gena dangodu wonahike daboloka.

Efesus 1:7

Sababu ma Kristus gena wisulo la ma ngale nanga dorou ma ija gena Una wosone de Awi au ikopola, so ngone nanga dorouno o Gikimoi aku wonapalako, de lo nanga dorou gena wosiaponguka. Idadi komagena sababu Una Awi laha magena foloisi ilamo.

Ibrani 9:12

Una o dadaru magenaka wowosa wakahika o Ngihi Foloi Datetebi ma rabaka o Gikimoika womasidateka. De o au la kanaga wowosa waaho, gena o kabi ma nau eko o sapi ma ngopa ma au gena hiwa. Una asa ka Awi au masirete waaho. Ka ma moi wowosa, de upa he wosidadu kali, sababu Una de Awi au gena ma ngale ngone nanga dorouno wonapalako ka sidutu ikakali.

1 Petrus 1:3

Powigiliri o Gikimoi, Una nanga Jou Yesus Kristus ma Baba. Sababu to Una Awi galusiri gena foloisi ilamo, so nanga oho waaka damomuane koloko asa inasibuo kali. Waaka komagena sidago lo o Yesus Kristus o sone ma rabano wisioho kali, so ngone nanga ngongano gena asa igogou foloisi daputuruli.