Lukas 1:51 - O GIKIMOI AWI JAJI ma BUKU

⁵¹ Una de Awi kuasa so awi manara moi-moi ikokuasa aku waaka, ena gena o nyawa imasihie ona magena wasikitinga la manga edekati gena upa idadi.

Lukas 1:51 ပူးပေါင်းရင်းမြစ်များ

Dodadi 11:8

So o Jou waaka komagena, so ona yangodu asa imatingaka de yodobiauka o bi tona ma somoaka. So o kota magena yaaka kawa de o candi isigogoko imatoguka.

Dodadi 6:5

So kagena de o Jou wanako o nyawa yodupa o dorou yaaka foloisi idala. Komagena so o orasi isigeto-geto manga sininga de manga edekati gena dangodu itiai kawa de lo datorouka.

Dodadi 8:21

Watupuka so o Jou wakelelo de wosanangika, so Awi sininga ma rabaka wotemo, “Ngaroko o bi nyawa ka o ngopasi de manga sininga datorouka so o dorou gena yodupa yaaka, duma komagena ma ngale Ngohi o orasi ma simaka upali o tona tosibobeto kali. De lo upa sidago ma moili asa Ngohi tasisa o bi moi-moi iooho o duniaka.

Roma 1:21

Ona o Yahudika yasowo gena, nakoso o Gikimoi manga dorou wafanggali de o dorou magena igogou de itiai, sababu ngaroko igogou ona Una iwinakoka, duma ona gena iwisimuliawa de lo manga sukuru Unaka yatidewa. Duma ona manga sininga ma rabaka he itiai kawa so Una gena wisihoda yaakuwa, maro o nyawa de itagi o bubutu ma rabaka.

2 Korintus 10:5

Ngomi kanaga lo miasitura o nyawa kiaka imacacaralamo so o dodoto itotiai yahoholu sidago lo o nyawa ma somoa yafati so ona yaakuwa o Gikimoi winako. Ona ihoholu manga sininga gena ngomi de o Gikimoi Awi kuasa miatagali la aku ona miangaho, so ona magena asa ma Kristus wisigiseka.

1 Petrus 5:5

Komagena lo ngini nigohiduurusi tinisisitiari, ngini bilasu niasigise nia roriri ona magenaka. De ngini o bi gogobu ningodu bilasu nimatekeleleani de nia sininga damuudu moi de moika. Sababu o Gikimoi Awi Jaji ma Buku ma rabaka isilefoka itemo, “O Gikimoi asa o nyawa imacacaralamo de imasihie ona magena walawangi, duma ona manga sininga damomuudu, ona magenaka asa wodupa Awi laha wosidumu de wariwo.”

Gogelelo 18:8

Manga sininga komagena so ato imatodoka de o bi bodito yatapadu onaka, ena gena o panyake, o sone so yododora, o bare eko o ino ihiwa de lo o uku yasidutupu so yaukuka. Sababu o Gikimoi asa o dorou wasifanggali, Una magena o Jou wipoputuru so aku ona wasisangisara.