Lukas 1:20 - O GIKIMOI AWI JAJI ma BUKU

²⁰ O kia ngohi tonidedemo ngonaka, igogou magena asa idadi de imaaka ma orasi kiaka isitatapu daboloka. Duma nako ngona gena, ma ngale ai demo magena ngona nopiricayawa, so maha la o orasi manena dabolo de ngona he naaku kawa nobicara, sidago o kia tonidedemoka magena igogou idadi kasi.”

Lukas 1:20 ပူးပေါင်းရင်းမြစ်များ

Markus 16:14

Ma dodoguka, o Yesus womasimane kali Awi muri yamogiowo de moika, ma orasi magena imatamiye yoodo. Una wasidapano ona magena, sababu manga piricaya ka ma cunu de manga sahe datogoi so ona yapiricayawa, kiaka o nyawa isingangasu o Yesus ona wikelelo masirete Una wooho kali.

Markus 9:19

So kagena de Una wotemo onaka, “Idodooha ngini o bi nyawa o orasi manena! Igogou-gogou ngini manena o nyawa nia piricaya ihihiwa. Sidago o orasi muruosi Ngohi togoge dede ngini la tinisisabari nginika. Ce! O ngopa magena niwingaho Ngohino.”

Lukas 1:19

So o malaikat magena wotemo, “Ngohi manena Gabriel, o Gikimoi Awi sosulo o sorogano. Una ngohi woisulo la tahino kanena de o habari magena todedemo de tonisingangasu ngonaka.

Lukas 1:21

O Zakharia widahe o Gikimoi Awi Tahu ma rabaka, de o nyawa yadadala ona magena ma duduka iwidamahasi, de ona yohairani dadoohaso maro o Gikimoi Awi Tahu ma rabaka de una awi deka komagena.

Lukas 1:22

Ma orasi una wosupuno, de waaku kawa wobicara onaka. Una ka cawali de awi gia wositumu-tumu koloko imomou de wobicara he waakuwa. So o nyawa magena yanako o Gikimoi Awi Tahu ma rabaka de o gogelelo o Gikimoino wamakeka.

Lukas 1:45

Ngona nososanangi, sababu o Jou Awi demo gena nopiricayaka, de Awi demo ngonaka magena igogou asa idadi.”

Lukas 1:64

De imatodoka o orasi magena dabolo awi uru ipelenga de aku una wobicara kali, de asa o Gikimoi Awi ronga wosilamo.

Roma 3:3

So nagala o nyawa kanaga itemo kali, “Igogou, o Yahudika yamuruo naga o Gikimoi Awi demo gena yaakawa. Ngaroko komagena, ma ngale ihiwa, Una Awi jaji upa wosiganapu.”

2 Timotius 2:13

De lo ngaroko ngone powipiricayawa, duma Una Awi sininga igogou daloha ma ngale Awi jaji dede ngone Awi nyawaka, sababu Una wokokulaiwa so Awi jaji ma ngale Awi nyawa wasisalamati gena bilasu wosiganapu.”

Titus 1:2

so ona yongongano asa yamake o oho ka sidutu ikakali. Komagena ma orasi ka o dunia lo wosidadi waasi, de o Gikimoi wojaji daboloka asa Awi nyawa gena ioho ka sidutu ikakali. Una ma moi waasi wokulai.

Ibrani 6:18

Awi jaji magena de lo Awi sasi magena akuwa itagali. Idadiwa o Gikimoi witodamato. Una wojaji komagena ma ngale ngone pololoda de pomataru kanaga Unaka aku nanga sininga gena wosiputuru, la ngone nanga ngongano o kia naga wonajajajika gena pomasigocoho daputuru.

Gogelelo 3:19

Sababu o nyawa Ngohi tasiboso ona magena, so Ngohi tasidapano de manga sala tositiai. So ngini magena upa nisihaga, duma bilasu igogou nikaeli de nia dorouno nimatoba de nimatoduba.