Kolose 2:1 - O GIKIMOI AWI JAJI ma BUKU

¹ So ngohi todupa tinisingangasu nginika ma ngale ngini o Koloseka gena ngohi asa tomanara tagogou, de upa ka ma ngale ngini, duma ma ngale lo o nyawa ipipiricaya o Laodikia ma dokuka, de lo kanaga ona ipipiricaya ma binukali kiaka ona dede ngohi mimakamake waasi.

Kolose 2:1 ပူးပေါင်းရင်းမြစ်များ

Dodadi 30:8

De ongo Rahel motemo, “Ngohi asa toutunguka de ai ria mia doosa dasosihilo ma rabaka.” Ma ngale komagena o ngopa una magena mowisironga lo ka o Naftali (gena ma ngale tekedoosa).

Lukas 22:44

Una Awi siningaka wamalo datubuso de isangisara sidago lo Una bilasu wosumbayang. Una Awi galasahu imatero maro o au itutu-tutu o tonaku.]

Rasul 20:25

De o orasi manena ngohi tanakoka ngohi ngini tinikurumi de tosihabari daboloka, idodooha o Gikimoi wopareta maro o kolano moi o nyawaka, so ningodu manena done asa ngohi he nikelelo kawa.

Rasul 20:38

sababu manga sininga ipeleso poli ma ngale wasitemo onaka done ona he wikelelo kawa. Dabolo de ona yangodu o Paulus iwisitota sidago lo o deruko wisibane.

Galatia 4:19

ngohi ai sininga ma rabaka ma siri ifoloi, maro o ngopedeka moi ma orasi mopuo de ami siri gena komagena. Gena ma ngale ngini gena, kodo, nisihoda waasi idodooha ma Kristus nia sininga itotiai gena waaka.

Filipi 1:30

Komagena so o nyawa ona magena ngini nisangisara, imatero o kia naga idomaka ma orasi ngini nikelelo ngohi kagena o Filipika de isangisara, komagena lo ngini niiseka o orasi manena naga lo ngohi isangisara kali kanena o Romaka.

Kolose 1:24

Igogou, ngohi asa inali nakoso ma ngale ngini so ngohi aku isangisara. Ena gena, o gogobu yangodu magena maro ma Kristus Awi rohe masirete, la ma ngale ona gena imatero de idomaka Una iwisangisaraka, komagena lo ngohi o orasi manena ai rohe isangisara gena aku ona tariwo maro to Una Awi dagali moi.

Kolose 1:29

Ma ngale magena so ngohi lo tamanara tokaeli. Ena gena, ngohi ma Kristus woisiputuru foloisi ilamo so aku tomanara iputuru.

Kolose 2:5

Sababu ngohi dede ngini gena, ngaroko ma soa ikuruka, duma ngohi ifoloi tinisininga nginika. De ngohi lo inali, sababu tanako ngini kanaga de ma Kristus gena nimarimoika de lo niwipiricaya daputuruka.

1 Tesalonika 2:2

Ngini nianako ngaroko ngomi idoma o Filipi ma kotaka de o nyawa misisangisara de misimade, duma nanga Gikimoi mia sininga wosiputuru so ngomi asa mibarani, de lo ngaroko o Tesalonikaka o nyawa imilawangi, duma o habari daloloha lo aku minisingangasu nginika.

Ibrani 5:7

Ma orasi o Yesus kanaga o dunia manenaka, de Una wosumbayang de Awi gari-garika de womatoore wogolo o Gikimoika. Una wanakoka o Gikimoi de Awi kuasa aku o soneno wipalako, duma Una lo Awi dupa masirete gena wamotewa de wosigise ka o Gikimoi Awi dupa. Komagena so o Gikimoi asa Una Awi gogolo gena woise.

1 Petrus 1:8

De ngaroko o Yesus Kristus gena idomaka niwikelelo waasi, duma ngini asa niwidodaraka. De lo ngaroko o orasi manena niwimake waasi, duma ngini niwipiricayaka sidago lo to ngini nia nali gena igogou foloisi ilamo, so ma ngale nia nali ma lamo gena o demo moi lo nisimakewa nisingangasu de nia uru masirete.

Gogelelo 1:11

de o ili magena itemo, “Yohanes, hika ngona nalefo o bi moi-moi o kia asa nakokelelo. Daboloka, de ani lefo magena nasidingo o gogobu tumudingi o bi kota o Asia ma daeraka, ena gena o Efesuska, o Smirnaka, o Pergamuska, o Tiatiraka, o Sardiska, o Filadelfiaka de o Laodikiaka.”