Ibrani 7:2 - O GIKIMOI AWI JAJI ma BUKU

² Daboloka de o Abraham awi arata wakokoora o kudotika gena o regu mogiowoka kanaga o regu moi wahike o Melkisedekka. Awi ronga o Melkisedek magena ma ngale “o kolano la kanaga o moi-moi o kia itotiai gena waaka” de lo, sababu una lo o Salem ma doku ma kolano de o Salem gena ma ngale o dame, so awi ronga moili gena “o Dame ma Kolano.”

Ibrani 7:2 ပူးပေါင်းရင်းမြစ်များ

Dodadi 28:22

De lo o teto taakaka maro o tugu moi, magena idadi to Ngona Ani tahu ma ngale inisuba. De kanaga o kia bato Ngona noihike ngohika, done asa todupa taregu la o gimina ma mogiowoka magena o regu moi tahike maro ai suba Ngonaka.”

Matius 1:23

“Done asa o jojaru ma boro moi, ngaroko de yanau imakiidu waasi, duma modami sidago lo mosibuo o ngopa yanau moi. De o ngopa Una magena done asa iwisironga Imanuel.” (Imanuel gena o Ibranika manga demo moi ma ngale gena, “O Gikimoi wogoge dede ngone”.)

Lukas 2:14

“Hie! O giliri o Gikimoi kadaku o sorogaka, de lo o duniaka o nyawa o Gikimoi wasosanangi gena o sanangi yamake.”

Roma 3:26

Una wosabari de wotamaha sidago o orasi manena, ma ngale o nyawa manga dorou dangodu gena ma Kristus asa wahino la wosone. Komagena lo Una wonasikelelo igogou womanara itiai, sababu o nyawa ngone nanga sininga itiai gena Una asa waaka, nakoso o Jou Yesus powipiricaya.

Ibrani 7:1

O Melkisedek manena o Salem ma kolano moi de lo o Gikimoi Wikukuruye ma imam moi. Ma orasi o Abraham awi lawangi o bi kolano wasitura daboloku de womabulutu so woliho kali, o Melkisedek una magena kanaga o Abraham wisibubusu de wogolo o Gikimoi Awi laha wisidumu o Abrahamka.

Ibrani 7:3

Nakoso awi jarita gena pabaca, de ma baba eko ma awa, eko lo awi ete de awi topora gena yodedemowa, de o kia naga moi lo ihiwa la yodedemo awi oho ma solano eko awi oho ma dodogu. Ngone aku potemo o Melkisedek manena imatero de o Gikimoi ma Ngopa, sababu una wodadi o imam ka sidutu ikakali.