Ibrani 4:9 - O GIKIMOI AWI JAJI ma BUKU

⁹ So de maenasi o dongoho la ngone o Gikimoi Awi nyawa gena aku powosa la pogoge dede Una, maro idomaka de Una o wange ma tumudingika womanara kawa de womawoma.

Ibrani 4:9 ပူးပေါင်းရင်းမြစ်များ

Matius 1:21

So muna done asa o ngopa yanau moi mowisibuo. De o ngopa Una magena ngona bilasu nowisironga o Yesus, sababu o ngopa Una magena asa Awi nyawa masirete o Israelka ma nyawa to ona manga dorou wapiki de aku wasisalamati. Komagena.”

Titus 2:14

Una Awi rohe wahike isone ma ngale ngone nanga dorou ma ija so ma rabano aku wonapalako de wonariwo so nanga dorou isisa de nanga sininga daloha. La ngone podadi maro to Una Awi nyawa masirete de maro lo o nyawa podupa o loha paaka.

Ibrani 11:25

Una lo wodupawa o orasi ma cunu de o dorou ma sanangi gena ma rabaka wooho, duma una ka wodupa wamote o Gikimoi Awi nyawa to ona manga sangisara de manga beleso.

Ibrani 3:11

So Ngohi manena tongamo de tosasi totemo, ‘Ce! Kagena o Kanaan ma tona lo tahihikeka, igogou ona gena asa tasimahawa yowosa de yogoge dede Ngohi.’ ”

Ibrani 4:1

So o Gikimoi Awi jaji magena de maenasi, la ngone aku powosa la pogoge dede Una. Komagena so ngone bilasu pomasidodiahi, la upa sidago nanga sidongirabaka done o nyawa moi lo idadiwa o jaji magena yamake.

Ibrani 4:10

Maro Una womanara kawa de womawoma, komagena lo o nyawa la kanaga yowosa la yogoge dede Una, ona magena manga manara dangodu asa yadoha so yomawoma.

Ibrani 4:3

Ka cawali ngone manena la kanaga popipiricayaka asa aku powosa la pogoge dede o Gikimoi. Nakoso o nyawa la kanaga yopiricayawa, ona magena asa yasimahawa, ma ngale maro o Kanaan ma tona kagena idoma o Gikimoi wotemo, “So Ngohi manena itoosa de tosasi totemo, ‘Kagena igogou asa ona gena tasimahawa yowosa de yogoge dede Ngohi.’ ” So ona yamakewa, ngaroko o orasi ma solano o Gikimoi o dipa de o dunia wosidadika so o wange ma tumudingika de asa wosidailako dabolo la aku wogogeku womawoma.

Ibrani 4:8

Idodomaka, de o Yosua una magena nanga ete de nanga topora gena wangaho la yowosa o Kanaan ma tonaka, kiaka o Gikimoi wajajajika. Duma posidodoguwa maro igogou ona gena yowosa de kagena yogoge dede o Gikimoi, sababu ipasaka de Una done wotemo kanaga o dongoho moili kiaka aku yogoge dede Una.

1 Petrus 2:10

Ngaroko idodomaka igogou ngini gena o Gikimoi Awi nyawa nisowo, duma o orasi manena naga igogou ngini asa nidadi to Una Awi nyawa masirete. De ngaroko ngini idodomaka Una winigalusiri waasi, duma o orasi manena naga ngini gena Una igogou winigalusiri.

Gogelelo 14:13

Bolo, de o ili moi ilalamo toise o sorogaku itemo, “Hika nalefo o demo manena: O nyawa nagoona nakoso yasisangisara de lo yosone, duma o Jou Yesus Kristus wipiricayasi, de ona magena o orasi kangano manena de isikahika asa ka yososanangi.” O Gurumi Datetebi wotemo, “Igogou de itiai! De lo asa Awi laha ilamo wasidumu onaka, sababu to Una Awi manara yaaka ikaeli, so ona asa imawomaka de o manara datubuso he yaaka kawa.”

Gogelelo 21:4

So Una asa to ona manga sininga ma susa eko to ona manga o kongo gena, dangodu wapiki so wasisaka. De ona nagoona lo asa yosone kawa, yododora kawa, yoari kawa eko lo yasangisara kawa. Sababu o bi moi-moi idodoma dangodu asa isisaka.”