Ibrani 13:6 - O GIKIMOI AWI JAJI ma BUKU

⁶ Komagena so ngone de nanga piricaya foloisi daputuru potemo, “O Jou Una magena ngohi woiriwo, so ngohi gena imodowa. O kia bato o nyawa yaaka ngohika gena, ngohi imodowa.”

Ibrani 13:6 ပူးပေါင်းရင်းမြစ်များ

Roma 8:31

So ma ngale o bi moi-moi o Gikimoi waaaka dangodu magena ngone bilasu panako, sababu Una womanara ma ngale ngone manena, so nakoso kanaga o nyawa la ngone inalawangi gena, dadoohawa.

Ibrani 4:16

So upa he ngone inamodo kali. O Gikimoi kanaga de Awi lahaka, so hino la ngone pobarani pahika pomasidate Unaka, la Una aku ngone wonagalusiri de lo Awi laha wonasidumu, ma ngale ngone nakoso de nanga kurangika de Awi roriwo magena asa pamake.

Matius 10:28

Upa sidago ngini nimodo o nyawa la kanaga yodupa nia rohe yatooma, sababu ma ngale to ngini nia jiwa yatotooma gena ona manga kuasa ihiwa. Duma ka o Gikimoi Una magena niwimodo, sababu Una kanaga de Awi kuasa ma ngale nia rohe de lo nia jiwa gena o narakaka wasisa.

Dodadi 15:1

O bi moi-moi idadi gena ipasaka, de o Abram asa o gogelelo moi wamake, de o Jou wotemo unaka, “Abram, upa ngona nimodo. Done Ngohi asa tonisirese o bodito ma rabano, de tonihike o loha ma fanggali foloisi ilamo.”

Efesus 3:12

Ngone ma Kristus powipiricayaka de lo ngone dede Una pomarimoika, so ngone asa pobarani o Gikimoi Awi simaka pahika de asa panako igogou Una ngone wonadehe dalohaka.

Ibrani 10:19

Ai dodiao nipipiricaya! Nako ma Imam Wilalamo kagena o Ngihi Foloi Datetebika wowosa, de bilasu o haiwani ma au waaho. So komagena ngone lo, ma ngale o Jou Yesus Awi sone ma au, so ngone gena asa inamodo kawa de ka pobarani pahino pomasidate o Gikimoika.