Ibrani 13:5 - O GIKIMOI AWI JAJI ma BUKU

⁵ De lo upa o pipi foloi niodesere, duma o kia de maena bilasu nisanangi. Sababu kanaga o Gikimoi wotemoka, “Ngohi asa ma moiwa tonidongosa ngona.”

Ibrani 13:5 ပူးပေါင်းရင်းမြစ်များ

Dodadi 28:15

Igogou-gogou, ngona asa Ngohi tonidodiao de ngona asa Ngohi tonitaru, maro o dadaru taloloha moi ani dodagi ma rabaka de kiaka bato ngona nokahika. De Ngohi asa tonidiko de toningaho, la tonisigiliho kali o tona magenenano asa nokahino kali. Sababu Ngohi gena tonidongosa kawa, duma Ngohi bilasu taaka maro o kia Ngohi tonijaji dabolo ngonaka.”

Dodadi 30:31

De o Laban wotemo, “So o kia bilasu ngohi tonihike ngonaka.” De o Yakub wosango kali wotemo, “Upa lo o kia naga moi noihike ngohika, hitilahi ai gogolo manena nosimote gena, ngohi ka todupasi ani kabi de ani duba tojaga de tapalihara.

Dodadi 31:5

Kagena una wotemo onaka, “Tanako de tosihodaka, ena gena nia baba awi sininga ma dorou ngohika so maro he idodoma kawa, duma ai baba awi Gikimoi gena kanaga dede ngohi.

Matius 6:19

“Upa o kaya o duniaka nimadolomu, sababu o duniaka ma kaya de ma arata gena aku dakeho de lo o lupu yaodo so ibaka, de lo kiaka nia arata niadodiahika done o nyawa itotosi iwosa de magena yatosika.

Matius 6:25

“Kanaga de ma sababu so Ngohi totemo nginika, upa nihawateri eko nitemo, ‘O kia asa poodo de poudo.’ Upa he nihawateri eko nitemo, ‘O baju kia asa pomasipake.’ Sababu ngini nia oho ma ngale ilamo gena upa o ino de o baju.

Matius 6:34

So ma ngale ilangika gena o kia naga moi lo upa o wange manena de nisihawateri. O wange manena maena ma susa masirete gena yaadoka, so upa sidago o kia naga ilangi ma susa niosininga gena he niodogoli.”

Markus 7:22

isusundali, yatotesere, de lo o dorou moi-moi iaaka, yatotodamato, de manga adati ihiwa, yatotodoosa, o ronga ma dorou iaaka, imacaralamo de isusa padoto sababu manga sahe datogoi.

Lukas 3:14

Kanaga lo o bi prajurit yahino iwisano unaka, “Nako ngomi gena o kia bilasu miaaka.” De una wotemo, “Upa o nyawa niagegego la manga arata inisidoa, de lo upa nia galaki itiaiwa ma ngale o nyawa manga pipi inihike. Idodooha nia gaji ma lamo gena ka niadehe de nia sininga isosanangi.”

Lukas 8:14

O gisisi ma binuka itutura o tona datototopoku so o totopo yalalo so isoneka, gena imatero bato o nyawa o habari daloloha magena yoiseka. Duma manga sininga ihawateri ma ngale manga oho duniaka ma rabaka, de yodupa yokaya, de lo yodupa o sanangi ma rabaka igoge. Komagena o Gikimoi Awi demo yosingou kawa, de o manara daloloha lo yodupa kawa.

Roma 1:29

De manga sininga ma rabaka asa yodupa ifoloi daputuru yaaka o bi dorou moi-moi, ena gena o dupa ma dorou maro o nyafusu ma dorou yaaka, de yodupa yatotesere de manga edekati lo datotorou. Komagena lo o nyawa manga bi moi-moi yonyafusu poli de yototooma, de yodupa imakangamo de yatodamato so manga dupa ka o dorou yaaka, komagena lo manga dupa o nyawa yasibicara

1 Korintus 5:11

Duma ai edekati de ai ngale itetero gena upa nimatekedodiao de o nyawa ona magena itemo o Jou Yesus wipiricayaka, duma yodupa o dorou yaaka, manga dorou imanara gena imatero maro o nyafusu ma dorou yaaka, eko o arata yodesere, eko o serika yasuba, eko o ronga ma dorou yoaaka, eko yatobadalu eko lo yokokoora. Upa sidago ngini nimakangaho so niodo dede ona.

1 Korintus 6:10

Komagena lo ona yototosi, de o arata yodesere, de yatobadalu, de o nyawa manga ronga ma dorou yogaka de lo yokokoora, ona magena lo yaakuwa iwosa o Gikimoi Awi paretaka.

2 Korintus 4:9

De kanaga lo ngomi o nyawa imisisangisara, duma o Gikimoi he womidongosa kawa. De lo kanaga ngomi o nyawa imingapo sidago imiruba, duma ngomi gena misonewa.

Efesus 5:3

So ma ngale ngini o Gikimoi Awi nyawa, so upa sidago o sababu moi idadi so done o nyawa aku itemo ngini gena kanaga nisundali, de o bi moi-moi datotorou niodupa, de lo o arata niodesere.

Efesus 5:5

Igogou-gogou, o nyawa la kanaga isundali eko o bi moi-moi datotorou yodupa, de ona magena yaakuwa ma Kristus de o Gikimoi Manga pareta ma rabaka o bi laha o Gikimoi wajajajika moi lo yamake. Komagena lo o nyawa la kanaga o arata yodesere, ngone aku potemo yosuba ka cawali o kia naga yodudupa.

Kolose 3:5

So bilasu ngini o bi dorou moi-moi upa niaaka, maro o nyawa kanaga wosoneka. Ena gena, niholu niaaka o dupa datotorou de o nyafusu ma dorou dangodu, de lo niholu o arata niodesere. Nakoso magena niodesere gena, imatero de o Gikimoika nisubawa so ka o serika niasuba.

1 Timotius 3:3

Komagena lo una bilasu upa witobadalu de upa witobangamo. Duma una bilasu o bi nyawa wadodara de awi sabari ilamo, de o nyawa ma somoa moi lo upa wasibicara datorou, de upa sidago o pipi wodesere.

2 Petrus 2:14

De ona o dorou yaaka imatero maro to ona manga ake de manga nao. Ona nakoso kanaga o ngopedeka ma somoa bato imikelelo de imakajai-jai iminyafusu datorou, de nako o nyawa kanaga manga piricaya daputuru waasi gena yasihaga. De kanaga lo nakoso o pipi gena ona ifoloisi yodesere. Ilaha! Ona magena igogou yakutuku de asa yabodito.

2 Petrus 2:3

Ona o guru ikokulai magena o pipi yodesere so de manga demo ikokulai ngini inisihaga la ma ngale o kaya yamake. Duma idomaka o Gikimoi wositatapu daboloka done bilasu ona manga dorou wafanggali, so he iteka kawa de ona magena asa wasisa bai!

Yudas 1:11

Ona yobodito, awalele! Sababu o ngeko idodomaka o Kain wamomote ona lo yamote. De sababu o pipi yodesere, so ona lo o dorou yaaka de yamote maro o Bileam awi sala. De lo maro o Korah idodomaka, komagena ona lo o Gikimoi wiholu so done asa ona dede Una imakitingaka.