Ibrani 1:2 - O GIKIMOI AWI JAJI ma BUKU

² Duma o orasi manena gena kanaga o orasi ma dodoguka, to Una Awi demo gena Awi Ngopa masirete Una magena asa wonasingangasu ngoneka. Una Awi Ngopa gena wisitatapuka la o bi moi-moi o kia naga dangodu gena to Una, o bi moi-moi kiaka sababu ka Una magena so o dunia de o dipa lo dangodu idadika.

Ibrani 1:2 ပူးပေါင်းရင်းမြစ်များ

Dodadi 49:1

So kagena de awi ngopa yanau yamogiowo de sinoto gena yangodu watolomuno. So ona imatamiye de una wobeseso kali, awi ngopa-ngopaka wotemo, “Ai ngopa-ngopa, o bi kia naga moi-moi done idadi de imaaka o orasi ma simaka gena, o orasi manena asa ngohi tinisingangasu de tinidedemo nginika.

Matius 13:39

Ai saturu o nguusu wodadato gena, positero de o Iblis. O gugutu gena positero de o dunia ma dodogu. De youutu gena, positero de o bi malaikat.

Matius 17:5

O Petrus ka wobicarasi, de imatodoka o lobi-lobi isisiru o bolu moi iuti so yasaoka, de o lobi-lobi ma rabano o ili moi iise itemo, “Una manena to Ngohi Ai Ngopa towidododara. Una Ai sininga yadahe de ka Unaka bilasu niwisigise!”

Matius 21:38

Duma imomanara ona magena wikelelo de itemo moi de moika, ‘Una magena bai! Una o warisi ma jojoho. Hino la ngone una powitoomaka, ma ngale ngone pamake to una awi warisi.’

Matius 26:63

Duma Una womarihika bato. La ma Imam Wilalamo wisano kali Unaka, “De o Gikimoi woooho Awi ronga, nosingangasu ngomino! Igogou, Ngona o Salamati ma Kolano de o Gikimoi ma Ngopa?”

Matius 28:18

So kagena de Una womasidate onaka, de watemo, “O kuasa o sorogaka de lo o duniaka gena dangodu ihike Ngohika.

Matius 3:17

Ato itangi de o ili moi yoise o sorogaku itemo, “Una manena to Ngohi Ai Ngopa towidododara. De Una magena Ngohi towidupa.”

Markus 1:1

Manena gena o habari daloloha o Yesus Kristus, o Gikimoi Awi Ngopa.

Markus 12:6

Kagena de o raki ma duhutu magena nagoonali asa wasidingo kali awi rakika itagi. Cawali womatengo kasi, ena gena awi ngopa masirete widododara. So ma dodoguka de una wisidingo awi ngopa masirete magena wotagi kadoka yomomanara ona magenaka. De awi sininga ma rabaka itemo, ‘Igogou, done ai ngopa masirete so iwihoromati.’

Markus 12:7

Duma imomanara ona magena wikelelo de itemo moi de moika, ‘Una magena bai! Una o warisi ma jojoho. Hino la ngone una powitoomaka, ma ngale ngone pamake to una awi warisi.’

Yohanes 1:10

O Demo magena kanaga o duniaka, de ngaroko Una wosidadika o bi moi-moi dangodu o dunia ma rabaka, duma o dunia ma bi nyawa winakowa Una magena naguuna.

Yohanes 1:14

O Demo magena womadadi de womasitero maro ka o nyawa moi, so Una wooho de wogoge to ngone nanga sidongirabaka. De Awi kuasa gena ma sihino ka ma Baba Gikimoino, sababu ma ngale ma Ngopa womatetengo, so igogou ma Baba Awi kuasa ilalamo gena ngomi lo miakeleloka. De ngomi miwimomote gena igogou to Una Awi laha womisidumuka de o dodoto itotiai gena womidotoka.

Yohanes 1:3

De o Demo so o bi moi-moi dangodu aku wosidadika. Ena gena, nako Una wihiwa de o kia naga idadadika moi lo asa idadiwa.

Yohanes 13:3

Duma o Yesus wanakoka kanaga ma Baba Gikimoi wihike dabolo Unaka o kuasa so aku o bi moi-moi dangodu wapareta, de Una lo wanakoka Awi sihino o Gikimoino so kanaga asa woliho Unaka.

Yohanes 13:32

Nakoso magena taaka so o Gikimoi wisimuliaka, de lo Ngohi masirete gena dede o Gikimoi so asa Ngohi woisimuliaka, so ma cunusi de igogou magena asa waaka.

Yohanes 15:15

Ngohi totemo, igogou ngini maro to Ngohi Ai dodiaoka, sababu o bi moi-moi Ai Baba Awi ngale woidedemo Ngohika gena he dangodu tinisingangasu dabolo nginika. So o orasi manena Ngohi akuwa totemo ngini gena maro o gilalo ma manara datubuso niaaaka, so nia tuangi manga edekati magena nianakowa.

Yohanes 16:15

Komagena asa Awi Gurumi magena waaka de wamanara, sababu Ai Baba to Una Awi moi-moi dangodu magena lo to Ngohi.

Yohanes 17:2

Sababu ma ngale o bi nyawa yangodu Ngona o kuasa noihike Ngohika, la o bi nyawa Ngohi noihihikeka, ona magenaka aku Ngohi tahike o oho ka sidutu ikakali.

Yohanes 3:16

Sababu igogou-gogou o Gikimoi foloi wadodara o bi nyawa o dunia ma rabaka, so Una asa Awi Ngopa masirete wihike, ngaroko Awi Ngopa magena to Una Awi Ngopa yanau womatetengo. La o nyawa nagoona Awi Ngopaka magena iwipiricaya, de ona magena upa yasisa, duma yamake o oho ka sidutu ikakali.

Yohanes 3:25

O wange moika, de o Yohanes wooosi awi nyawa wimomote yamuruo naga de lo o Yahudika ma nyawa moi imatekesikoholu ma ngale o Yahudika ma nyawa manga adati de manga galepu, gena idodooha bilasu yatiodo kasi de asa manga sininga datebi o Gikimoi Awi simaka.

Yohanes 5:26

Ngohi aku taaka komagena, sababu imatero maro o oho ma hutu gena ma sihino Ai Babano, komagena so Una lo waaka so asa o oho ma hutu magena lo ma sihino Ngohika.

Yohanes 5:27

De lo o kuasa woihike Ngohika, la ma ngale Ngohi aku o nyawa tasisala so bilasu ona dede o Gikimoi imakitinga, de magena igogou Ngohi de Ai kuasaka sababu Ngohi manena o Nyawa ma Duhutu.

Yohanes 9:29

Sababu nakoso o Musa gena, igogou o Gikimoi masirete wobicara unaka, magena mianako. Duma o nyawa Una magena, ce, Una o nyawa eko o nyanyawa sidago Awi sihino lo ngomi mianakowa bai!”

Rasul 10:36

Baba-baba, ngini nianako o habari daloloha magegena Una wosingangasu o Israel ma nyawaka, so o habari magena itemo o bi nyawa de o Gikimoi imakadame ma orasi o Yesus Kristus iwipiricaya, igogou Una magena o Salamati ma Kolano de lo o bi nyawa o duniaka manga Jou.

Rasul 2:17

O Gikimoi wotemo, ‘O dunia ma dodogu ma orasi he yaadoka, de Ngohi asa o bi nyawa yangoduku Ai Gurumi tahike la wowosa de wopareta. Mutuwade to ngini nia ngopa-ngopa yanau de o ngopedeka asa to Ngohi Ai demo yoise de isingangasu, de nia gohiduuru asa yakelelo o gogelelo Ngohino, de nia dodihimo asa yamake o doguruga Ngohino.

Roma 8:17

So nakoso ngone gena Awi ngopa-ngopaka, de komagena ngone lo asa pamake o kia moi-moi dangodu wotemo gena aku wihike Una ma Kristuska. Ka cawali maro ma Kristus wisangisaraka, komagena lo ngone, la ma ngale maro Una wisimulia bilasu ngone lo komagena.

1 Korintus 2:7

Duma o cawaro moi tosihohabari gena kanaga o Gikimoi Awi cawaro. Magena o nyawa o orasi idodoma-domaka o Gikimoi wasimane waasi, duma ma orasi o dunia wosidadi waasi de Una kanaga wositatapu idomaka done ngone wonasimulia.

1 Korintus 8:6

Duma ngone popipiricaya gena ka panako igogou o Gikimoi gena ka womatengo. Una magegena nanga Baba o bi moi-moi o duniaka gena dangodu wosidadadika, de to Una Awi giliri gena kanaga ngone nanga oho ma gaalu. De igogou lo o Jou ka womatengo, ena gena o Yesus Kristus. Una magena o Gikimoi asa wisulo la Una waaka so o bi moi-moi dangodu aku idadi, de lo sababu Una magena, so ngone aku o oho ka sidutu ikakali pamake.

Galatia 4:4

Ngaroko komagena, duma o Gikimoi Awi orasi yaadoka, de Una masirete lo asa Awi Ngopa wisuloka la Una wahino o duniaku woutika. Una magena o ngopedeka moi mowisibuoka imatero maro o Yahudika ma nyawa, so manga bobita o Gikimoino gena bilasu waaka.

Efesus 1:10

So done ma orasi itotiai gena imasidiadoka, de o Gikimoi asa Awi edekati dangodu gena waaka. Ena gena, o bi moi-moi o kia naga o sorogaka de lo o duniaka gena dangodu-ngodu asa isirimoi la ma Kristus wapareta.

Efesus 3:9

O Gikimoi, o bi moi-moi o duniaka wosidadadi, Una magena wodupa la ngohi lo o nyawa yangodu tasingangasu ma ngale idodooha to Una Awi ngale wosiganapu, kekiaka ma nonomaka de wosikelelo waasi.

Ibrani 1:5

Komagena igogou, sababu ma moi waasi o Gikimoi wotemo Awi malaikatka komanena, “Ngona gena Ai Ngopa. O wange manena Ngohi tadedemo yangoduka, igogou Ngohi gena to Ngona Ani Baba.” De lo ma moi waasi o Gikimoi ma ngale Awi malaikat gena wotemo komanena, “Ngohi gena to Una Awi Baba, de Una gena lo to Ngohi Ai Ngopa.” De o bi demo magena ma meta ka cawali o Gikimoi ma Ngopaka.

Ibrani 1:8

Duma ma Ngopa magenaka o Gikimoi witemo komanena, “Ngona gena o Gikimoi, de asa nopareta ka sidutu ikakali, de Ngona lo asa Ani nyawa nakolano de Ani sininga itotiai.

Ibrani 11:3

Komagena lo ngone, ma ngale nanga piricaya, so panako o dipa de o dunia gena o Gikimoi de Awi demo so wosidadika. So de o kia naga pakokelelo waasi magena wosidadi so o bi moi-moi dangodu magena pakeleloka.

Ibrani 2:3

So nakoso ngone o habari daloloha gena posidoohawa, de igogou nanga dorou ma fanggali magena asa akuwa inapalako. O habari magena foloisi daloha de o demo kiaka idodomaka o bi malaikat isingongangasu. De magena lo o Jou Yesus masirete wosihabari wodomaka de o nyawa lo kanaga yoiseka, ona magena done o habari gena inasinako itiai ngoneka.

Ibrani 3:6

Duma nako ma Kristus gena, upa ka o leleani moi, Una he o Gikimoi ma Ngopa la kanaga waaka wokaeli o Gikimoi Awi tahu ma raba magena waaturu. De ngone gena to Una Awi tahu ma raba moi, hitilahi nanga siningaka asa pobarani pomasigocoho daputuru la powingongano ma Kristuska.

Ibrani 4:14

Igogou, ngone kanaga de nanga Imam Wilalamo moi la o sorogaka wowosa sidago waado o Gikimoi Awi simaka, la ma ngale ngone gena Una wogolo, ena gena o Yesus o Gikimoi ma Ngopa. Ma ngale komagena so ngone nanga piricaya Unaka gena bilasu pomasigocoho daputuru.

Ibrani 5:8

Ngaroko igogou Una gena o Gikimoi ma Ngopa, duma Una magena lo wisangisara sidago lo wosone, so komagena wosikelelo igogou Una lo o Gikimoi wisigise.

Ibrani 7:28

So o nyawa la kanaga maro o bi bobita o Musa wosilelefoka gena yodadi o imam wilalamo, ona magena asa ka o nyawa de manga buturu ikurangi. Duma ma duuruka de o Gikimoi de Awi sasi ma demo so asa ma Ngopa masirete witide la wodadi o Imam Wilalamo de Awi kurangi gena moi lo ihiwa ka sidutu ikakali.

Ibrani 7:3

Nakoso awi jarita gena pabaca, de ma baba eko ma awa, eko lo awi ete de awi topora gena yodedemowa, de o kia naga moi lo ihiwa la yodedemo awi oho ma solano eko awi oho ma dodogu. Ngone aku potemo o Melkisedek manena imatero de o Gikimoi ma Ngopa, sababu una wodadi o imam ka sidutu ikakali.

Ibrani 9:26

Sababu nako komagena, de igogou ma solanoka o Gikimoi o dunia wasidadiku de kanaga he ma para ma dalaka Una bilasu wisangisara sidago lo wosone. Duma igogou o orasi manena he yadangade o dunia ma dodoguka de bilasu ka ma moi Una wahino womasimaneka, so Awi rohe wahike wosone la ma ngale ngone o nyawa nanga dorou gena wapiki.

1 Petrus 1:20

Ma orasi o Gikimoi o dunia wosidadi waasi, de wositatapu idomaka ma ngale nia dorou ma ija gena, ma Kristus bilasu wosone done asa komagena. Duma manena he yadangade orasi ma dodoguka de Una igogou o duniaka wahinoka ma ngale to ngini nia dagali moi.

2 Petrus 3:3

De o kia naga foloi ilamo so ngini bilasu niososininga, ena gena ma orasi he yadangade yaado ma Kristus wahino kali de o nyawa asa kanaga la manga nyafusu ma dorou o kia bato magena yaaka. Ona magena lo asa yahino de ngini inigagaka de inisiihe,

Yudas 1:18

Ona itemo nginika, “Done o orasi ma dodoguka la kanaga o nyawa asa yoholu yaaka o bi moi-moi o Gikimoi wodudupa, duma manga dupa masirete bato magena yaaka de yamote. So ona magena asa yahino de inigagaka de inisiihe nginika.”