Gogelelo 8:5 - O GIKIMOI AWI JAJI ma BUKU

⁵ Kagena de o malaikat magena o manyanyi ma ngihi o guracino magena wadehe de kugena ma rabaku o uku ma ngabo wangadoka. Dabolo de o manyanyi ma ngihi de ma raba gena wosipaka o duniaku. Ato toise o kuguru ilalamo de o diwotu ma dupuru, de lo takelelo o tatawi, de o osu lo idadi.

Gogelelo 8:5 ပူးပေါင်းရင်းမြစ်များ

Matius 24:7

O bangsa moi yasaturu o bangsa ma somoa, o kolano moi asa yakudoti o kolano ma somoa. Kiaka o dunia ma dokuka asa idadi kiaka bato o bare so o ino asa ihiwa, de lo o osu de o diwotu.

Lukas 12:49

“Ngohi manena tahino o duniaka la o uku todado. De Ai dupa la ma ngale o uku magena isora dacapati.

Rasul 16:26

Imatodoka de o osu dapoputuru moi yahino so o bui ma tahu sidago lo o ngihi ilolitimika lo ihiti, de gila-gila o bui ma ngora dangodu ipelengaka, de o bi nyawa yabipopiliku yangodu manga rate lo asa ipalakoka.

Rasul 4:31

Ma orasi isumbayang dabolo o riho imatotolomuka magena ihiti. De o Gurumi Datetebi Awi kuasa daasu-asu iwosa ona yangoduku, so wopareta sidago o habari daloloha o Gikimoino isihabari de manga modo lo ihiwa.

Gogelelo 11:13

De kanaga o orasi magena asa o osu isitodokano sidago lo o kota magena, o regu mogiowo so o regu moi yasiwaroka, de o nyawa manga dala yacala tumudingi isoneka. So o nyawa ma binukali gena asa ka yamodo de itemo, “Igogou! O Gikimoi o sorogaka gena ka Una magena wolamo.”

Gogelelo 11:19

Kagena de o sorogaka o Gikimoi Awi Tahu ma ngora ipelenga, so kagena ma rabaka Awi jaji ma borua o guracino gena aku pakelelo. De kanaga o bodito idadi ma ngale o tatawi, o diwotu idupuru, o kuguru ma ili, o tona ihiti sidago lo o osu de o es ilalago isimuura.

Gogelelo 4:5

De o pareta ma kursi moi ma nonomaka magenano toise o kuguru de o diwotu, de lo takelelo o tatawi. De kagena ma simaka o obor ngai tumudingi isora-sora, ena gena o gurumi ngai tumudingi daloloha o Gikimoi Awi leleleani.

Gogelelo 6:12

Kagena de Una asa o segel ma butangaka waraca kali, de ngohi takelelo kanaga idadi o osu dapoputuru. De o wange asa dataroka, imatero maro o bakili ma sasao, de o ngoosa itokola lo dasawalaka koloko o au.

Gogelelo 8:3

Kanaga lo o malaikat ma somoa moili gena wahino waaho o manyanyi ma ngihi moi o guracino, de o manyanyi yatutupu ma riho ma simaka kagena womaokoye. De una magenaka o manyanyi wihike idala la de o Gikimoi Awi nyawa yangodu manga sumbayang magena lo maro o suba moi wongado kiaka o manyanyi ma riho o guracino magena ma dokuka, kagena o pareta ma kursi ma simaka.