Gogelelo 8:12 - O GIKIMOI AWI JAJI ma BUKU

¹² Dabolo de o malaikat ma ihaka awi trompet wawuwu kali, de kanaga o wange de o ngoosa imatero maro o naga yalowola so komagena o wange de o ngoosa ma siwa irongoka, de komagena lo o bi ngoma ma siwa daoroka.

Gogelelo 8:12 ပူးပေါင်းရင်းမြစ်များ

Matius 24:29

“Ma orasi o susa de o sangisara magena ipasaka, de o wange de o ngoosa isiwa kawa so dapuputuka. So o dipa lo ihiti so o moi-moi dangodu o dipaka ma dodagi he yamote kawa, de o bi ngoma lo asa o dipaku itura.

Matius 27:45

La o wange itotiai, de o doku ma sigilolino magegena dapuputuku ma deka o orasi saange.

Markus 13:24

“La ma orasi o susa de o sangisara magena ipasaka, de o wange de o ngoosa isiwa kawa so dapuputuka.

Markus 15:33

La o wange itotiai, de o doku ma sigilolino magegena dapuputuku ma deka o orasi saange.

Lukas 21:25

“O orasi magenaka asa o wange, de o ngoosa, de lo o bi ngoma o dipaka kanaga o nonako pakelelo. O bi bangsa yangodu asa manga sininga isusa de lo igamamu icarawa yoise o teoka o moku-moku de o bao imakataga ma kuguru.

2 Korintus 4:4

Ona gena yopiricayawa, sababu o Iblis o dunia manena wapopareta gena manga sininga wosigamamu, de lo wosipilo la o habari daloloha ma nita magena asa yakelelowa. So ona yanakowa ma Kristus wokokuasa, kiaka wisitetero de o Gikimoi.

Gogelelo 12:4

De ma pego magena o ngoma o dipaka, dangodu koloko ibati saangeka, so o bati moi magena ma pego isipari de yaumo o duniaku. O naga magena imirisimano de ma edekati o ngopedeka mororohe muna magena, nakoso mopuoka, de ami ngopa magena asa yaodo.

Gogelelo 16:10

So o malaikat ma motohaka awi udo-udo ma raba magena o haiwani ilalago ma pareta ma rihoku gena wakopola kali. De tomatodoka o haiwani ma bi nyawa yapopareta o duniaka manga goge dangodu gena idadi dapuputuka. So o bi nyawa magena lo asa yasiri ifoloi sidago manga lade lo yagoli.

Gogelelo 6:12

Kagena de Una asa o segel ma butangaka waraca kali, de ngohi takelelo kanaga idadi o osu dapoputuru. De o wange asa dataroka, imatero maro o bakili ma sasao, de o ngoosa itokola lo dasawalaka koloko o au.

Gogelelo 9:15

So una wotagi wasose o malaikat yaruha magena. Ona magena idomaka yapilikuka, de itamaha la ma ngale ma orasi magenena yaado o nyawa o regu saange gena o regu moi o duniaka asa yatooma.

Gogelelo 9:18

De o bodito magena idadi o nyawa o duniaka koloko ibati saangeka, de o bati moi gena isoneka.