Gogelelo 7:16 - O GIKIMOI AWI JAJI ma BUKU

¹⁶ Mutuwade ona magena he yasapi kawa de manga kiri lo dadudu kawa, de lo o wange ma sahu eko o sahu maro o uku ma sahu lo he yadahe kawa.

Gogelelo 7:16 ပူးပေါင်းရင်းမြစ်များ

Matius 13:21

Duma koloko ma ngutu ilukukuwa, so ona yopiricaya itekawa. So de o susa yamake de ma ngale o habari daloloha so yasisangisara, de gila-gila ona ma Jou wipalako so imakiliho de ikafirika.

Matius 13:6

Duma ma ngutu ka ma cunu, so de o wange yodisiwa de o goho magena damalai so isoneka.

Matius 5:6

O nyawa igogou de manga dupa so manga sininga itiai o Gikimoi Awi simaka, ona igogou yosanangi, sababu o kia yodudupa gena asa o Gikimoi wahike de ma boloika.

Markus 4:17

Duma koloko ma ngutu iluku kuwa, so ona yopiricaya itekawa. So de o susa yamake de ma ngale o habari daloloha so yasisangisara, de gila-gila ona o Gikimoi wipalako so imakiliho de ikafirika.

Markus 4:6

Duma ma ngutu ka ma cunu, so de o wange yodisiwa de o goho magena damalai so isoneka.

Lukas 1:53

Una aku o nyawa yasasapi ona magena wasipunu de o kia naga daloloha. Una aku o nyawa ikakaya wadusu de ona itagi ka manga kia-kia lo waali.

Lukas 6:21

Ngaroko o orasi manena nisapi, ngini igogou nisanangi, sababu ngini manena asa o Gikimoi o ino winihike la nipunu. Ngaroko o orasi manena niari, ngini igogou nisanangi, sababu ngini manena asa igogou de nia nali de nia moreka.

Yohanes 4:14

Duma nakoso o nyawa la kanaga o ake Ngohi tahihike gena yaudo, ka ma moi yaudoka de isidadu kawa. Sababu o ake magegena imadadi maro o jobubu moi ona manga rohe ma rabaka, de nogena asa isupu la yamake o oho ka sidutu ikakali.”

Yakobus 1:11

Komagena ma orasi o nyawa ikakaya ona manga kaya isiaturu ma rabaka, de o sone yahino isitodokano, so manga kaya o kia bato magena asa yodongosaka. Imatero de o wange ibao so ma siwa foloi dasahu, de o bunga asa damalai sidago ma sopo itura de ma loha lo isisaka.

Gogelelo 21:4

So Una asa to ona manga sininga ma susa eko to ona manga o kongo gena, dangodu wapiki so wasisaka. De ona nagoona lo asa yosone kawa, yododora kawa, yoari kawa eko lo yasangisara kawa. Sababu o bi moi-moi idodoma dangodu asa isisaka.”