Gogelelo 4:9 - O GIKIMOI AWI JAJI ma BUKU

⁹ Komagena o dodadi iooho magena wisimulia de wisihoromati, de lo manga sukuru yatide Una magena womatetengo Awi pareta ma kursika de woooho ka sidutu ikakali.

Gogelelo 4:9 ပူးပေါင်းရင်းမြစ်များ

Ibrani 7:25

Mutuwade Una de Awi kuasa aku o soneno ngone wonapalako de lo Awi laha wonahihike gena asa ikurangiwa, nakoso ngone kanaga Una powipiricaya so pomasidate o Gikimoika. Sababu Una wooho ka sidutu ikakali la ma ngale ngone gena wonasigolo o Gikimoika.

Ibrani 7:8

Komagena lo o Melkisedek foloisi wolamo de o bi imam o Lewi awi ngopa de awi danoku. Nakoso o bi imam la kanaga o nyawa manga gimina mogiowo gena o gimina moi yamake, de ona magena lo ka o nyawa so done asa isone. Duma maro o kia naga isilelefo o Gikimoi Awi Jaji ma Buku ma rabaka, o Melkisedek la kanaga o Abraham awi gimina ma mogiowoka gena wamake, una magena asa wosonewa duma ka woohosi.

Gogelelo 10:6

de wosasi o Gikimoi Awi ronga Una magena wooho ka sidutu ikakali o soroga, o dunia, o ngoloto de lo ma raba o bi moi-moi dangodu gena wosidadika. So o malaikat magena wosibobeto wotemo, “He! O Gikimoi asa wotamaha kawa ma orasi gena yaadoka.

Gogelelo 15:7

So o dodadi iooho ngai iha manga sidongirabano moi o malaikat yatumudingika wahike o udo-udo ngai tumudingi o guracino. De kugena moi-moi ma rabaku kanaga iwedo de o doosa ilalamo, ena gena o Gikimoi woooho ka sidutu ikakali Awi doosa ilalamo.

Gogelelo 21:5

Magena de Una o pareta ma kursika womatatami gena asa wotemo, “He! Ngohi asa taaka so o bi moi-moi dangodu damuaneka. Hika o demo moi-moi magena nalefo idoma, sababu o demo-demo dangodu magena igogou so aku popiricaya.

Gogelelo 4:2

De gila-gila o Gikimoi Awi Gurumi ngohi ai sininga wapareta so tamote kali. De kagena o sorogaka takelelo o pareta ma kursi moi ma dokuka Una womatengo womatamiye.

Gogelelo 4:8

O dodadi iooho magena moi-moi de to ona manga golupupu ngai butanga, de manga golupupu magena dangodu de ma lakoka. O putu de o wange ona magena inyanyi imatogu-toguwa itemo, “Jou Gikimoi, o orasi manena naga de o orasi idodomaka kanaga noohosi, done lo nahino kali. Jou nokokuasa, Ngona ka nitebi bato. Ani dorou moi lo asa ihiwa Ngonaka.”

Gogelelo 5:1

De kagena de ngohi takelelo Una o pareta ma kursika kanaga Awi gia ma girinaka o buku o lolo moi wacohono. O buku magena ma raba de ma dudu dangodu de ma lefoka, de o segel tumudingi gena isigapalaka.

Gogelelo 6:16

Imamingihuka, de o tala de o tetoka igolo de itemo, “Hika nimitalake ngomiku. Ngomi mimangihuka ma ngale Una o pareta ma kursika womatatami gena upa ngomi womikelelo de lo o Duba ma Goho magena womidoosa, so upa sidago mia dorou wafanggali de womisisangisara ngomika.

Gogelelo 7:15

Komagena so ona kanaga o Gikimoi Awi pareta ma kursi ma simaka imaokoye, de kagena Awi Tahuka o wange de o putu ona iwisuba Unaka. So kagena Una o pareta ma kursika womatatami gena, Una dede ona yangodu igoge ma ngale Una asa ona wajaga.