Gogelelo 3:4 - O GIKIMOI AWI JAJI ma BUKU

⁴ Ngaroko komagena, duma ngini o Sardiska ma nyawa kanaga nimuruo naga nia baju gena niafaja waasi eko nia sininga niapareta itotiai. Komagena so ngini gena done nitagi nimakomote dede Ngohi de nia baju lo ka daaare, sababu ma ngale ngini magenena o Gikimoi wotemo bilasu komagena.

Gogelelo 3:4 ပူးပေါင်းရင်းမြစ်များ

Matius 10:11

Nakoso niwosa o doku moika, de hika o nyawa la kanaga yodupa inidedehe daloha gena ngini niasari. La kagena nimasidodogu, ma bati o doku magena niodongosa.

Markus 16:5

So kagena de ona gila-gila iwosa o boosu ma aru ma rabaka, de ona imaginano o girinaka, de yakelelo o gohiduuru moi awi juba daaare womatamiye, so ona isawangi de yamodo.

Lukas 20:35

Duma o nyawa isosoneka la o Gikimoi wahiri itiaika bilasu o orasi ma simaka o dunia damomuaneka de ioho kali, ona magena he ikawi kawa.

Lukas 21:36

So bilasu ngini salalu nimajaga de nia dailakoka, de lo niwigolo o Gikimoika la ngini asa niamoku niputuru o sangisara dangodu kiaka asa idadadi gena, sidago aku Ngohi o Nyawa ma Duhutuka nirisima.”

Rasul 1:15

O wange ma moiku ma orasi o nyawa ipipiricaya magena imatolomuno, manga dala nagala yaratu moi de monahalo, kagena de o Petrus womaokoye de wobicara onaka wotemo,

2 Tesalonika 1:5

Mia dodiao nipipiricaya, ngini nisangisara duma o Jou Yesus niwipiricaya daputurusi gena, inasinako de inasikelelo ngoneka igogou done asa o Gikimoi o nyawa yangodu manga dorou de manga loha ma sopo lo wafanggali itotiai. De komagena lo ngini nisangisara sababu o orasi manena o Gikimoi niwisimaha la Una winipareta gena, ma ngale o orasi ma simaka done asa o nyawa yangodu manga simaka o Gikimoi wositatapu gena igogou ngini nia sininga itiai de itero, so bilasu ngini niwosa to Una Awi pareta ma rabaka.

Yudas 1:23

De lo nakoso kanaga ona ma binuka manga piricaya gena he yodongosa so done o naraka ma rabaku he yaumo, ena gena o uku isosora-soraka, ona magenaka bilasu ngini niasiduduga la aku o Jou Yesus iwipiricaya daputuru kali de Una asa ona wasisalamati. Duma kanaga ma binuka lo manga dorou foloisi ilamo, ona magena manga sininga ma dupa datotorou gena yamomote. Ona magenaka lo bilasu niagalusiri, duma ma ngale onaka bilasu nimasidodiahi la upa sidago manga dorou ma rabaku ngini lo nitura. Komagena o nyawa ma dorou niagalusiri, duma to ona manga dorou magena niaholu, maro o baju dafafaja so niaholu.

Gogelelo 1:11

de o ili magena itemo, “Yohanes, hika ngona nalefo o bi moi-moi o kia asa nakokelelo. Daboloka, de ani lefo magena nasidingo o gogobu tumudingi o bi kota o Asia ma daeraka, ena gena o Efesuska, o Smirnaka, o Pergamuska, o Tiatiraka, o Sardiska, o Filadelfiaka de o Laodikiaka.”

Gogelelo 11:13

De kanaga o orasi magena asa o osu isitodokano sidago lo o kota magena, o regu mogiowo so o regu moi yasiwaroka, de o nyawa manga dala yacala tumudingi isoneka. So o nyawa ma binukali gena asa ka yamodo de itemo, “Igogou! O Gikimoi o sorogaka gena ka Una magena wolamo.”

Gogelelo 14:4

Ona magena manga sininga ma rabaka o dorou moi lo ihiwa eko lo o nyawa yanako waasi o nyafusu ma dorou yaakawa. Ona magena o Duba ma Goho kiaka wotagi ona lo kagena wimote-mote. De ona magena o dunia ma nyawa manga sidongirabaka manga dorou o Duba ma Goho wafangu daboloka, so ma ngale ona magena ma nonoma-noma o Gikimoi wileleani la idadi maro o suba moi o Gikimoika de lo o Duba ma Gohoka.

Gogelelo 19:14

Una o Gikimoi Awi prajurit-prajurit gena wimomote so ona o bi jara daaareku yopane de imasitibaku o baju lenan daaare, gena ma are ka isiru-siru.

Gogelelo 19:8

Muna gena o Gikimoi womisimaha la o baju lenan daaare de ma are isiru-siru aku magena momasitiba.” (O baju lenan daaare ma ngale ona gena o Gikimoi Awi nyawa masirete o bi moi-moi itotiai yaaaka.)

Gogelelo 3:18

So Ngohi todupa tanu ngini Ngohika o guraci ma duhutu nimaija, la ma ngale ngini igogou nikaya. Bilasu Ngohika lo o baju daaare nimaija ma ngale nimasitiba, la upa sidago nimawatoka de aku nisimade. De hika la o sou nimaija Ngohika ma ngale nia lako ipipilo nisisou, la aku ngini igogou nimasigelelo kali.

Gogelelo 3:5

O nyawa nagoona nakoso ona o dodoto ikokulai yaholu de Ngohi ipiricaya daputuru, ona maro o prajurit moi imakudubu sidago lo yatura so ona magena asa o baju daaare yasitibaka. Komagena so Ngohi to ona magena manga ronga upa tapiki o oho ma buku ma rabaka, ena gena o nyawa ioho ka sidutu ikakali ma bukuka, de Ai Baba de lo Awi malaikat-malaikat manga simaka asa tosibicara totemo igogou ona magena lo to Ngohi Ai nyawa.

Gogelelo 4:4

De ma gilolika lo kanaga o pareta ma kursi monahalo de iha gena o roriri yamonahalo de yaruha, ona o bi gogobu manga bobareta gena yodupa o Gikimoi Awi dodoto yamote, de ona magena ma dokuka imatamiye. Ona magena o baju daaare imasitibaku de manga saheka o mahkota o guracino.

Gogelelo 6:11

Dabolo de ona magena moi-moika yahike de yasitoku o juba daaare. Dabolo de ibeseso onaka o orasi ma cunu itamahasi, sidago ona manga dodiao o Gikimoi Awi sosulo-sosulo gena yatooma kali la manga dala gena itiai yamote maro o Gikimoi wositatapuka.

Gogelelo 7:9

Magena daboloka, de ato takelelo kali o nyawa kanaga he ka yadadala poli so, ngaroko, paeto lo paakuwa. Ona gena manga sihino o bi bangsa moi-moi, de o bi soa moi-moi, de lo o bi bahasa moi-moino. De kagena o Duba ma Goho de Awi pareta ma kursi ma simaka ona imaokoye, de o juba daaare imasitibaku de lo o tano ma bi soka yacohono.