Gogelelo 3:2 - O GIKIMOI AWI JAJI ma BUKU

² Wewe! Upa nikiolo komagena. Hika nimomi kali. De nia sininga nisiputuruli ma ngale Ngohi nisigise daloha. Upa sidago nia sigogise ka ma cunu de magena asa isisa, maro isosone. Sababu Ngohi tanakoka o bi moi-moi ngini niaaaka gena itiai waasi o Gikimoi Awi simaka.

Gogelelo 3:2 ပူးပေါင်းရင်းမြစ်များ

Matius 23:5

Ona o bi moi-moi dangodu la yaaaka o nyawa yakelelo bai! We! Ona yodupa manga sumbayang ma kukudu, kiaka manga saheka imasilalono gena, ikaku de ingoha de lo manga juba ma rerede yaaka lo ikukuruku la isikelelo o nyawaka, o bobita o Musa walelefoka gena yamote.

Matius 25:13

So o Yesus o ade-ade magena wosijarita dabolo de wotemo, “Komagena so bilasu ngini nimajaga de nimasidailakoka, sababu ngini nisidodoguwa muruoka de Ngohi asa tahino.”

Matius 25:7

O jojaru yamogiowo gena asa ka yomomi, de moi-moi manga silo magena isidailako.

Rasul 18:23

De o wange muruo naga kagena wogoge dabolo, de o Paulus womajobo kali wotagi wotulu-tulu o Galatia ma daera de o Frigia ma daera ma sigilolika, de kagena o bi nyawa ipipiricaya manga piricaya wosiputuru.

1 Petrus 4:7

O dunia ma dodogu gena he yaadoka. Komagena so hika to ngini nia nyafusu niapareta daloha de lo nia siningaka niatuga itiai la foloi nia sumbayang lo aku niatide.

1 Petrus 5:8

De lo ngini bilasu nia sininga de nia rohe ma nyafusu gena niapareta daloha de lo nimajaga so nimasidailako daboloka. Sababu nia lawangi o Iblis gena o ngeko womasisari ma ngale ngini nipipiricaya winisitura, maro o singa moi yakahika yakahino ka imuru-muru yasari ma ino la aku yaodo.

Gogelelo 16:15

O Yesus wotemo, “He! Ngohi asa tahino nginika gena maro o nyawa wototosi moi. O nyawa nagoona gena asa yososanangi, nakoso manga oho yosidailako de manga baju gena salalu yahadoku manga dateka. Upa sidago ma orasika yotagi o nyawa manga simaka de ona ka imawatoka so done ona masirete yamade.”

Gogelelo 2:4

Ngaroko niaaka komagenaka, duma Ngohi ngini tinisisalasi, sababu ngini gena ngaroko idodoma nipiricaya Ngohi de nia dodara daputuru, duma nia dodara o orasi manena damalaika.

Gogelelo 3:1

“Bilasu o surati moi nalefo kali de nosidingo o gogobu o Sardiska de to ona manga bobaretaka nosingangasu: Ngohi manena de o Gikimoi Awi gurumi tumudingi tapareta de lo o bi ngoma tumudingi gena tacoho. So o demo manena gena Ngohi tinisingangasu nginika. Ngohi tanako ngaroko o nyawa itemo o oho damomuane Ngohino gena ngini niamake, duma igogou ngini niamake kawa.

Gogelelo 3:3

So bilasu ngini niosininga kali o bi moi-moi o kia inidodotoka de lo nioiiseka. De tanu kagena ngini nimasigocoho daputuru de lo nia dorouno nimatoba de nimatoduba. Nakoso ngini gena nidamahawa, de done asa Ngohi tahino nginika, maro o nyawa wototosi moi, de ma orasi gena ngini asa nianakowa muruoka de Ngohi tahino nginika.