Gogelelo 3:12 - O GIKIMOI AWI JAJI ma BUKU

¹² Sababu nakoso o nyawa la o dodoto ikokulai yaholu de Ngohi ipiricaya daputuru maro o prajurit moi imakudubu sidago lo watura, de ona magena asa Ngohi tasitatapu, maro idadi o Gikimoi Awi Tahu ma didiki. De ona magena asa o riho magena yadongosa kawa. De ona magenaka lo asa Ngohi talefo o Gikimoi Awi ronga de Awi kota ma ronga, gena o Yerusalem damomuane o Gikimoi Awi pareta ma rabaka gena o sorogaku asa iuti. De asa lo to Ngohi Ai ronga damomuane moi manga bioka talefo.

Gogelelo 3:12 ပူးပေါင်းရင်းမြစ်များ

Markus 12:16

Kagena de o pipi ngai moi yaaho so yahike Unaka. Bolo, de Una wasano onaka, “Ma dulada de ma lefo to naguuna manena.” De ona yosango itemo, “To ma Kaisar awi dulada de awi lefo.”

Galatia 2:9

So o roriri ona magena yamaloka o manara maro o kia kanaga o Gikimoi de Awi laha woihike ngohika. Komagena so ona ngini niahohoromati maro nia roriri foloi yolamo gena, ona de ngohi de o Barnabas lo mimakocoho giaka. La komagena isikelelo ona de ngomi mimatekefakati de mimarimoi maro o dodiao mimomanara, ma ngale ngomi gena mitagi o habari daloloha misihabari o nyawa o Yahudika yasowo de o roriri ona magena yotagi o habari daloloha yosihabari o Yahudi ma nyawaka.

Efesus 3:15

Una magegena o bi dodadi moi-moi, kiaka kanaga o duniaka de lo o sorogaka gena, dangodu-ngodu manga baba.

Ibrani 12:22

Duma nako ngini gena, ka komagenawa. O Gikimoi o sorogaka de ma Ngopa Awi ili winidedemo nginika. Magena maro ngini niahino Awi simaka o Sion ma Talaka de lo o Yerusalem ma kota o sorogaka, kiaka o Gikimoi woooho Awi goge. Ngini niarisima o bi malaikat yadala icarawa la kagena imatolomu de manga nalika.

Ibrani 13:14

Sababu o dunia manenaka ngone nanga goge kiaka ikakali ma riho gena ihiwa, duma o goge ma riho maro komagena igogou ngone kanaga podamaha, kiaka asa pamake o orasi ma simaka.

1 Yohanes 4:4

Ai ngopa-ngopa tososininga, ngini o Gikimoi Awi nyawa. De ngini lo kanaga o nyawa ikokulai gena niadusuka, sababu Una Awi Gurumi Datetebi ngini winisipoputuru gena, Una foloisi wolamo de o Iblis, una magena o bi nyawa o Gikimoi wihoholu gena wapopareta.

Gogelelo 14:1

Kagena de ngohi o gogelelo moili takelelo kali, kanaga o Duba ma Goho gena womaokoye o Sion ma talaka, komagena lo o nyawa yacala 144. De o nyawa ona magena moi-moi manga bioka Awi ronga de lo ma Baba Awi ronga isilefoka.

Gogelelo 17:14

Kagena ona dede o haiwani magena asa ikudoti iwilawangi o Duba ma Gohoka. Una magena o Jou wilalamo de o Kolano wipoputuru, so Una de to Una Awi nyawa wimomote gena aku to ona manga buturu yalawangi de asa lo yasisa. O nyawa ona wimomote gena o Gikimoi wahirika, so ngaroko yatooma, duma manga piricaya Unaka daputuru.”

Gogelelo 2:11

He! Ngini nakoso de nia ngauka tanu, niise o kia Ngohi de o Gurumi Datetebi so mitemo o bi gogobu-gogobuka. O nyawa nagoona nakoso o dodoto ikokulai yaholu de Ngohi ipiricaya daputuru maro o prajurit moi imakudubu sidago lo watura, so ona magena ngaroko manga rohe isoneka, duma upa sidago ona asa isone ma sinoto kali. Gena upa sidago o narakaka yaumo.”

Gogelelo 2:17

He! Ngini nakoso de nia ngauka, tanu niise o kia Ngohi de o Gurumi Datetebi so mitemo o bi gogobu-gogobuka. O nyawa nagoona nakoso o dodoto ikokulai yaholu de Ngohi ipiricaya daputuru maro o prajurit moi imakudubu sidago lo watura, so ona magenaka asa Ngohi tahike o ino manna yaiihu, ena gena o kia yadodiahi o sorogaka de lo tahike o teto daaare moi. O teto magenaka kanaga yalefo o ronga damomuane de magena o nyawa nagoona lo yanakowa ka cawali ona masirete yamamake asa yanako.”

Gogelelo 2:7

He! Ngini nakoso de nia ngauka, tanu niise o kia Ngohi de o Gurumi Datetebi so mitemo o bi gogobu-gogobuka. O nyawa nagoona nakoso o dodoto ikokulai yaholu de Ngohi ipiricaya daputuru maro o prajurit moi imakudubu sidago lo watura, so ona magena asa Ngohi tasimaha o oho ma gota ma sopo, kiaka o Gikimoi Awi goge daloloha (eko o Firdaus) ma rabaka, yadehe la yaodo so yooho ka sidutu ikakali.”

Gogelelo 21:2

De kanaga lo o kota moi de o bi dorou datotorou moi lo ihiwaka so datetebi, de takelelo gena o kota damomuane moi, ena gena o Yerusalem asa iuti o sorogaku. Magena isidailako maro o ngopedeka moi mokakawi ma ngale ami roka gena o baju daloloha-loha imihike la momasitiba. O kota magena o Gikimoi kagena o sorogaka de asa wosigutiku.

Gogelelo 22:4

Komagena lo asa Una magenena iwikelelo, gena igogou de itiai. De ona moi-moi magena kanaga manga bioka Awi ronga wosilefoka.

Gogelelo 3:5

O nyawa nagoona nakoso ona o dodoto ikokulai yaholu de Ngohi ipiricaya daputuru, ona maro o prajurit moi imakudubu sidago lo yatura so ona magena asa o baju daaare yasitibaka. Komagena so Ngohi to ona magena manga ronga upa tapiki o oho ma buku ma rabaka, ena gena o nyawa ioho ka sidutu ikakali ma bukuka, de Ai Baba de lo Awi malaikat-malaikat manga simaka asa tosibicara totemo igogou ona magena lo to Ngohi Ai nyawa.