Gogelelo 2:14 - O GIKIMOI AWI JAJI ma BUKU

¹⁴ Ngaroko komagena, duma kanaga o hali muruo naga Ngohi tinisisala nginika. Ena gena, ngini nia sidongirabaka nimuruo naga niasimaha o Bileam awi dodoto yacoho. O Bileam una magena o Balak iwidoto la una o Israel ma nyawa wagegego so ona o dorouku ituraka. Ena gena, manga giki o gia isiaaka ma ino isisusubaka gena yaodo de lo o bi nyafusu ma dorou yaaka.

Gogelelo 2:14 ပူးပေါင်းရင်းမြစ်များ

Matius 18:7

O bodito! Kodo! O bodito asa yadahe o dunia ma bi nyawa o Gikimoi wihoholuka, sababu o bi moi-moi la kanaga ma ngale ona o dorouku yasitutura. Ma ngeko maro komagena igogou de itiai, duma ibodito nakoso o nyawa o sababu yaaka so o nyawa ma duuru o dorouku itura bai!

Rasul 15:29

Bilasu upa o lake o bi gomaka isisusuba gena niaodo, upa lo o bi haiwani ma au niaudo, upa lo o bi haiwani yagogohore la isoneka de niaodo de lo upa o bi nyafusu ma dorou niaaka. Nakoso ngini nimasitiari la o dorou ma manara magena niaaka niholu, magena asa niamanara itiai de daloha. Sidago kagena. De o Yesus Kristus Awi ronga Ngomi o gogobu, de o bi rasul, de o roriri o Yerusalemka

Rasul 21:25

De ma ngale o Yahudika ma nyawa yasowo lo o Jou Yesus iwipiricayaka, so ngomi o surati milefoka de misidingo lo dabolo onaka, ma ngale ngone o Yahudika nanga bobita moi-moi dangodu maro o Musa wosilelefoka upa he yaaka. So ka cawali upa o lake o bi gomaka isisusuba gena yaodo, de upa lo o bi haiwani ma au yaudo, de upa o bi haiwani yagogohore la isoneka de yaodo de upa lo o bi nyafusu ma dorou yaaka.”

Roma 11:9

De imatero lo maro o kia idomaka o Daud wogolo o Gikimoika wotemo, “Tanu o kia naga yodudupa nasifanggali la yobodito. Maro o oha o sabatoloka o haiwani yatago. Tanu ona nasitura, nafanggali lo de o dorou.

Roma 14:13

O Gikimoi done ngone nanga manara wahiri, so hika ngone pomatekesikasala kawa. Duma ngini gena bilasu nimasidailako la o kia naga moi lo upa niaaka, nakoso magena idadi o sababu moi sidago nia dodiao ipipiricaya gena o dorouku itura.

Roma 14:21

Ifoloi daloha, ngaroko, upa o sihode paodo, eko o anggur paudo, eko lo o kia nagali paaka, nakoso magena paaka so nanga dodiao ipipiricaya o salaku itura de o kia ona yamalo itotiai gena he yamote kawa.

1 Korintus 1:23

Ngaroko komagena, duma ka cawali o habari ma ngale ma Kristus wisangahadika gena ngomi asa misihabari. De o habari magena nako yoise, de o Yahudika ma nyawa ona yoholu so yasitura, de lo o Yunanika ma nyawa ona itemo o demo magena ka o nyawa ifufuma.

1 Korintus 7:2

Duma ifoloi daloha nakoso yanau moi-moi de ma pedeka masirete de lo o ngopedeka moi-moi de ma roka masirete, la upa yabaja o nyafusu ma dorou yaaka.

Ibrani 13:4

O kawi ma adati gena ngini ningodu bilasu nisigise. Upa niatilaku, sababu o nyawa la kanaga o nyafusu ma dorou yaaka eko yosundali, ona magena o Gikimoi asa wafanggali de o dorou.

1 Petrus 2:8

De lo o gimina moili itemo, “O teto ilalamo magena yahado kugena o ngekoku so o nyawa isepele de iruba de itagi lo yaaku kawa.” O nyawa isosepele ona magena ma Kristus iwiholu, sababu ona o habari daloloha magena yoholu yosigise. De ma ngale ona gena idadi komagena, sababu idomaka o Gikimoi Awi dupa so wositatapu daboloka bilasu yosigisewa.

2 Petrus 2:15

Ma ngeko idodooha la ngone aku o dodoto itotiai pamote, de ona magena yaholu de yopiricaya kawa. Yaaka de yamote maro idodoma o Beor ma ngopa o Bileam awi manara gena o dorou waaaka, la o pipi wamake sababu magena wodesere.

Yudas 1:11

Ona yobodito, awalele! Sababu o ngeko idodomaka o Kain wamomote ona lo yamote. De sababu o pipi yodesere, so ona lo o dorou yaaka de yamote maro o Bileam awi sala. De lo maro o Korah idodomaka, komagena ona lo o Gikimoi wiholu so done asa ona dede Una imakitingaka.

Gogelelo 2:20

Ngaroko niaaka komagenaka, duma Ngohi ngini tinisisalasi. Sababu ngini gena asa kanaga nia dongirabaka o ngopedeka moi ongo Izebel, de muna masirete minisihaga motemo muna gena o Gikimoi Awi nabi moi. Muna magena nimimaha-maha so o dodoto ikokulai aku modoto. Komagena so masihagaka to Ngohi Ai sosulo-sosulo, sidago ona lo manga giki o gia isiaaka de ma ino isisusubaka gena yaodo de o bi nyafusu ma dorou lo yaakaka.

Gogelelo 2:4

Ngaroko niaaka komagenaka, duma Ngohi ngini tinisisalasi, sababu ngini gena ngaroko idodoma nipiricaya Ngohi de nia dodara daputuru, duma nia dodara o orasi manena damalaika.

Gogelelo 21:8

Duma nakoso o bi nyawa ma dorou, ona magena asa yaumo o uku ma talaga ma rabaku la kagena asa yasidutupu de o walira, de komagena ona magena asa yosone ma sinotoka. O bi nyawa ma dorou ona yaumo gena, nakoso yobaraniwa, duma yoholu o Yesus Kristus wipiricaya daputuru. Ona magena manga manara dangodu datorou, ena gena ona yototooma, ona manga nyafusu datotorou yaaaka, ona igogomahate, ona o kia naga de manga gia isiakaka gena yasuba, de lo ona yatotodamato de hitilahi o manara datotorou yaaaka.”

Gogelelo 22:15

Duma kagena o kota ma duduka kanaga igoge o nyawa yangodu la de manga manara datotorou, komagena ona yototooma, o nyafusu ma dorou yaaaka, igogomahate, o kia naga manga gia isiaaka de kagena yasusuba de lo yatotodamatoko.