Gogelelo 17:3 - O GIKIMOI AWI JAJI ma BUKU

³ Kagena de o Gikimoi Awi Gurumi idahe de ai sininga wapareta kali, de o malaikat una magena woingaho o tona ibobeleu moika. De kagena ngohi takelelo o haiwani ilalago dasosawala de o ngopedeka moi mopaneku. O haiwani magena ma sahe ngai tumudingi de ma tadu lo ngai tumudingi, de lo ma rohe ma sigilolino isilefo o ronga-ronga ma dorou idadala isimeta o Gikimoika.

Gogelelo 17:3 ပူးပေါင်းရင်းမြစ်များ

Matius 27:28

Kagena de ona Awi juba yahoi de o juba dauungu maro o bi kolano manga juba wisitibaku,

Rasul 8:39

Ma orasi ona o akeye idola, de imatodoka o riho magenano o Jou Awi Gurumi o Filipus iwingahoka. De ngaroko o Etiopia ma nyawa una magena o Filipus wikelelo kawa, una asa awi dodagi wadofa kali de awi nali de awi moreka.

2 Tesalonika 2:4

Sababu una magena asa o Gikimoika wilawangi de lo womacaralamo sidago wotemo una wolamo maro o giki womatengo, so una foloisi womasilamo de womasitetero koloko o nyawa manga giki de manga moi-moi yasusuba. So komagena una asa o Gikimoi Awi Tahu ilalamoka o Yerusalem ma kotaka wowosa de kagena womatamiye, so womasilamo de o nyawa yadadala manga simaka wokulai de wotemo una masirete igogou o Gikimoi.

Gogelelo 1:10

De ma orasi magena, o Minggu ma Wangeka, de o Gurumi Datetebi ngohi ai sininga wapareta so tamote. Kagena de o gogelelo moi tamake so kanaga ngohi ai duduno o ili ilalamo moi toise maro o trompet ma ili,

Gogelelo 12:14

Kagena de o ngopedeka muna magenaka imihike ka o kodoba ilalamo ma golupupu ngai sinoto, la ma ngale muna aku mososo o tona ibobeleuka kiaka o riho moi imisidailakoka. Kagena muna asa imipalihara ma deka o ngoosa moruha de sinoto gena o taungu saange de ma sononga. La o naga magena muna upa imimake.

Gogelelo 12:3

De kagena o dipaka o kia naga moi o nonako ihahairani moili isimane de takelelo. Ce! Magena ngaroko lo o lalahekana ilalamo, ena momongo ka o naga dasosawala moi, de maro isitero ma sahe ngai tumudingika de ma tadu ngai mogiowoka. Kanaga ma sahe moi-moiku gena o mahkota ma ceceke moi isitibaku.

Gogelelo 12:6

So o ngopedeka muna magena moloda mokahika o tona ibobeleuka. O riho magena kiaka o Gikimoi wosidailako idomaka ma ngale muna mipalihara ma deka o wange 1,260.

Gogelelo 17:18

O ngopedeka nomikokelelo muna magena maro o kota ilalamo moi so yapareta o bi kolano yangodu o duniaka.”

Gogelelo 17:4

O ngopedeka muna magena momasitibaku o baju dauungu de dasosawala, de lo misijojora o guraci, o paramata, de lo o mutiara. Ami giaka mocohono o udo-udo o guraci, de ma rabaka iwedo gena maro ami manara o bi nyafusu ma dorou de o bi moi-moi o made ma manara maakaka.

Gogelelo 18:12

Ena gena, manga alamu yaaaka o guraci, o salaka, o paramata de lo o mutiarano, o baro lenan daloloha gena de o baro dauungu, sutera de lo dasosawala, o gota dabobou de daloloha ma rupa idala, de o arata yaaaka o gadingno ma rupa idala de lo o gota ihahali, o tembaga, o besi de lo o teto marmer,

Gogelelo 18:16

De imatoore itemo kali, ‘O bodito! O bodito! Kodo! O Babel gena o kota ilalamo de dapoputuru. Idodoma o baju o baro lenan daloloha, de lo o baro dauungu de dasosawala nimasipake, de lo nimasisao o bi jojora o guraci, o paramata, de lo o mutiara.

Gogelelo 21:10

Kagena de o Gikimoi Awi Gurumi idahe ngohika ai sininga wapareta kali, so o malaikat una magena woingaho o tala ma doku ikukuru-kuruye. De kagena woisidumu o kota ilalamo moi de kagena o dorou moi lo ihiwa, ena gena o Yerusalem ma kota o sorogaka de o Gikimoi wosigutiku.

Gogelelo 4:2

De gila-gila o Gikimoi Awi Gurumi ngohi ai sininga wapareta so tamote kali. De kagena o sorogaka takelelo o pareta ma kursi moi ma dokuka Una womatengo womatamiye.