Gogelelo 15:8 - O GIKIMOI AWI JAJI ma BUKU

⁸ O Gikimoi Awi Suba ma Dadaru magena o dopo yasaoka Una maro o kolano moi de Awi kuasaka. So kugena ma rabaku o nyawa moi lo yaakuwa yowosa yodamaha ma bati o bodito tumudingi o malaikat yatumudingi yaaho gena yaaaka isibolo kasi.

Gogelelo 15:8 ပူးပေါင်းရင်းမြစ်များ

Roma 11:33

Igogou-gogou, o Gikimoi Una Awi cawaro de Awi kanako gena foloisi ilamo. De Una o moi-moi wositatapu de lo wamomanara idodooha ma ngeko gena paakuwa posihoda.

2 Tesalonika 1:9

Komagena ona magegena asa manga sopo ma dagali itotiai yamake so yasangisara ma bati lo ihiwa. Ena gena, o Jou Awi simaka ona magena asa watinga de to Una Awi kuasa isisiru-siru ma leto gena yakelelo kawa.

Gogelelo 15:1

Dabolo kagena o dipaka o nonako ihahairani moili de foloisi ilamo asa ngohi takelelo. Kanaga o malaikat yatumudingi gena asa yaaka o bodito tumudingi kiaka ma dodogu. Magena yaaka dabolo, de igogou asa o Gikimoi wodoosa kawa.

Gogelelo 21:11

Iutiku, de kanaga de to Una Awi kuasa ma mulia so ma nita gena maro o paramata dabobole ma soka moi ifoloisi daloha, gena o yaspis ma pudaki, de ma dodo koloko o kaca so ileto-leto.