Gogelelo 11:6 - O GIKIMOI AWI JAJI ma BUKU

⁶ Ona yasinoto magena de manga kuasa o Gikimoino la o dipa yapareta, so asa imuura kawa ma bati o Gikimoi Awi demo yosingangasu kasi. De ona yamake o kuasa lo o bi ake gena aku yaaka imadadi o au, de lo yamake o kuasa la o dunia ma raba dangodu aku yasisangisara, de o bodito moi-moi gena o orasi o kia bato ona itemo dangodu ka idadi mote to ona manga dupa.

Gogelelo 11:6 ပူးပေါင်းရင်းမြစ်များ

Lukas 4:25

Igogou, o kia naga asa idadadi o orasi manena, gena imatero de o kia naga idadadika ma orasi idodoma ma nabi Eliaka. O orasi magenaka, de idadi imuurawa ma deka o taungu saange de o ngoosa butanga, sidago o bare imasidiado o bi doku dangoduka so o ino ihiwa. O orasi magena o Israel ma tonaka kanaga ibabalo yadala manga oho isusa.

Gogelelo 16:3

So o malaikat ma sinotoka magena awi udo-udo ma raba magena o ngolotoku wakopola kali. De tomatodoka o ngoloto dangodu magena imadadi o auka, maro o nyawa isosone manga au, sidago lo o bi moi-moi iooho o ngolotoka dangodu gena isoneka.

Gogelelo 16:4

So o malaikat ma saangeka magena awi udo-udo ma raba gena o bi selera de lo o bi ake ma jobubuku wakopola kali. De tomatodoka o bi ake dangodu magena imadadi o auka.

Gogelelo 8:8

Dabolo de o malaikat ma sinotoka awi trompet wawuwu kali, de kanaga o kia naga ilalago koloko o tala ilalamo de ka isora-sora gena yaumo de isipaka o teoku. So o teo lo koloko ibati saangeka, de o bati moi imadadi o au,