Gogelelo 10:5 - O GIKIMOI AWI JAJI ma BUKU

⁵ Kagena de o malaikat una gena awi gia ma girina watide o sorogaye,

Gogelelo 10:5 ပူးပေါင်းရင်းမြစ်များ

Dodadi 14:22

Kagena de o Abram wosango wotemo, “Ngohi igogou-gogou tosasi o Jou Awi simaka, Una o Gikimoi Wilalamo o bi moi-moi dangodu wosidadadi o dunia ma dokuka, gena Unaka totemo,

Rasul 14:15

“Wewe! Dadoohaso niaaka komagena. Ngomi manena lo ka o nyawa bato koloko ngini! Ngomi miahino kanena gena o habari daloloha minisingangasu nginika, la nia giki moi-moi isosone magena bilasu niodongosa de nimakiliho la nisuba o Gikimoi wooohoka, o Gikimoi Una magena o dipa de o dunia wosidadi, de o teo de lo o moi-moi dangodu kanaga de ma rabaka.

Rasul 17:23

Sababu ma orasi ngohi nia kota manenaka totagi-tagi de tininano gena ningodu de nia seri ma tahuka la kagena niasuba, de ngohi takelelo o riho moika kagena isilefo, ‘Kanena powisuba o Giki Moi Powinanakowa.’ Mutuwade ngaroko ngini niwisubaka, duma niwinakowa. So ma ngale magegena ngohi tinisingangasu nginika.

Roma 1:20

Ma dongoho o Gikimoi o dunia de o moi-moi wosidadi kusi, de ngaroko Una magena powikelelo waasi, duma o kia Una waaka de wosidadadika, gena aku ngone o nyawa pakelelo. De ma ngeko magegena ngone o nyawa powinako o Gikimoi de Awi kuasa ikokakali de lo Awi goko de Awi bane itotiai, so maro o nyawa gena wisowo. Ma ngale komagena, so upa sidago ngone o nyawa moi de potemo, “Kodo! Nako ngohi gena o Gikimoi towinako waasi.”

Ibrani 6:13

Ma orasi idodomaka de o Gikimoi wijaji o Abrahamka wotemo, “Igogou-gogou, Ngohi Ai laha asa tonisidumu la to ngona ani ngopa de ani dano asa yadala.” De Una Awi jaji gena ma ngale wosiputuru so asa wosasi dede Awi ronga masirete, sababu moi lo yahiwa ifoloi wikukuruye de Una.

Gogelelo 10:2

Kanaga awi giaka o buku ma ceceke o lolo moi de o buku magena ipelengaka. So una awi dohu ma girina o teoku womasigipitoku de awi dohu ma gubali o dududuka womasigipitoku.

Gogelelo 14:7

Una de awi ili ilamo-lamo wotemo, “He! O Gikimoi gena wolamo so ngini o nyawa ningodu bilasu ka Una magenaka niwihoromati de niwisigiliri. Sababu o Gikimoi o nyawa yangodu gena asa wafanggali manga loha eko manga dorou gena ma orasi he yaadoka. So ngini lo bilasu ka o Gikimoi niwisuba, sababu Una magegena o soroga, o dunia, o teo de lo o bi ake ma jobubu dangodu gena wosidadika.”

Gogelelo 16:17

So o malaikat ma tumudingika wotagi awi udo-udo ma raba gena o ngawa-ngawaku wakopola kali. De tomatodoka o Gikimoi Awi Suba ma Dadaru ma rabaka kagena Awi pareta ma kursino toise o ili ilalamo moi itemo, “O Gikimoi o nyawa wihoholu wasisangisara gena he daboloka.”

Gogelelo 4:11

“Igogou, Jou, Ngona mia Gikimoi! Ka Ngona notero bilasu nisigiliri de nisihoromati, de lo nokuasa so Ani ronga isilamo. Sababu Ngona gena o bi moi-moi dangodu nosidadi, de to Ngona Ani dupa so dangodu gena idadi de ioho.”

Gogelelo 4:9

Komagena o dodadi iooho magena wisimulia de wisihoromati, de lo manga sukuru yatide Una magena womatetengo Awi pareta ma kursika de woooho ka sidutu ikakali.