Gogelelo 10:1 - O GIKIMOI AWI JAJI ma BUKU

¹ Kagena de ngohi takelelo o malaikat ma somoa moili wonononau, una magena o sorogaku wouti. Una magena o lobi-lobi iwisaono, de awi saheka kanaga o ngawate yalalono, de awi bio ma siwa maro o wange ma siwa de lo awi dohu maro o uku ma golingasu.

Gogelelo 10:1 ပူးပေါင်းရင်းမြစ်များ

Matius 17:2

To ona manga goginano ma rabaka Una Awi jamani ingali. Awi bio magena isiwa-siwa maro o wange ma sora de Awi baju idadi daare de isiru.

Lukas 21:27

Ma orasi magena de asa o bi nyawa yangodu Ngohi, o Nyawa ma Duhutu, ikelelo tahino touti o lobi-lobi ma rabaku de to Ngohi Ai mulia ma siwa tomasisaoka de Ai kuasa ma buturu.

Rasul 26:13

Ai baba ma Kolano Agripa, ngohi totagi nagala o wange itotiai so tahika o ngeko ma soaka, de o nita moi ma siwa foloisi idoku de o wange o dipaku idisiwa so idahe ngohiku de o nyawa imomote gena misigilolino.

Gogelelo 1:7

Hika ngini niakelelo! Una magena kanaga wahino wouti o lobi-lobi ma rabaku. De o bi nyawa yangodu lo Una gena iwikelelo komagena ona iwitotooma lo. So o dunia ma bi soa dangodu ma ngale Una iari de yododora. Igogou! Una asa wahino.

Gogelelo 18:1

Dabolo de takelelo o malaikat moili o sorogaku woutili. Una wikuasa ilamo, de to una awi nita ileto-leto sidago lo o duniaku yodisiwa.

Gogelelo 18:21

Kagena de o malaikat wipoputuru moi asa o teto datotubuso moi wadehe de wosipaka womapela-pelaka o ngoloto ma rabaku dalutu, de wotemo, “Maro o teto dalutu komagena lo o Babel o kota ilalamo manena dangodu asa yaturaba so ihiwaka, sidago lo o kota magenaka yamake kawa.

Gogelelo 20:1

Kagena de takelelo o malaikat moi kali o sorogaku woutiku. Una awi giaka o busune iluluku-luku ma ngora ma kukuci gena wacohono de lo o rate datotubuso moi.

Gogelelo 4:3

Una womatengo gena Awi jamani ma siru maro paramata o teto dabobole ma soka gena o yaspis de o paramata dasosawala, maro o dowora ma silo gena o delima. De kanaga lo o pareta ma kursi ma gilolika o ngawate moi ileto-leto, maro o teto paramata dabobole ma soka moili gena o zamrud.

Gogelelo 5:2

De lo takelelo o malaikat wipoputuru moi de una kanaga wosingangasu womaili-ilika wotemo, “O buku o lolo moi ma segel manena o nyawa nagoona yamalo manga sininga itiai la o segel manena yaraca de o buku manena yapelenga.”

Gogelelo 8:13

Kagena de ngohi takelelo kali o namo muludu moi isososo o ngawa-ngawako, de toise ma ili ilamo itemo, “O bodito! O bodito! Kodo! O bodito datotorou foloi ilamo asa yadahe o nyawa igogogoge o duniaka, sababu o orasi manena asa o malaikat yaruwangeli manga trompet magena yawuwu.”