Gogelelo 1:6 - O GIKIMOI AWI JAJI ma BUKU

⁶ De lo Ngona nositatapu mia manara gena Ngona minisihabari de mipareta dede Ngona, de ma ngale Ani Baba Gikimoi to ngomi mia Kolano gena miwileleani. Ngomi mianako igogou de itero Ngona gena foloi nolamo de lo nokuasa ka sidutu ikakali.

Gogelelo 1:6 ပူးပေါင်းရင်းမြစ်များ

Matius 6:13

Upa nosimaha la o dorou imibaja ngomika, duma nomisirese o dorou ma kuasano. [Sababu Ngona nokolano nokuasa de lo nomulia ka sidutu ikakali. Amin.]’

Yohanes 5:23

duma Ngohi taaka la ma ngale o nyawa yangodu asa Ngohi ihoromati, imatero de wihoromati Ai Babaka. So o nyawa nagoona la kanaga Ngohi ihoromatiwa, magena imatero de ona lo manga horomati ihiwa Ai Babaka, kiaka Una woisuloka la Ngohi tahino.

Roma 11:36

Magena igogou, sababu o bi moi-moi dangodu gena o Gikimoi Una magena wosidadika de lo wapareta, so kanaga ka iohosi la ma ngale o moi-moi iooho magena asa Una Awi ronga isilamo. Tanu Una magegena o nyawa inangodu wisigiliri ka sidutu ikakali. Amin.

Roma 15:6

La ngini ningodu de nia sininga imarimoi ma ngale aku nisilamo o Gikimoi Awi ronga, o Yesus Kristus nanga Jou Awi Baba.

Filipi 2:11

sidago lo ona yangodu gena asa imangaku moi de moika itemo, “Igogou, o Yesus Kristus Una magena nanga Jou,” so komagena ona yangodu iwisihoromati o Baba Gikimoika.

1 Timotius 6:16

Cawali Una womatetengo gena ka sidutu ikakali. Una wogoge maro o nita isosora ma rabaka, de o nyawa moi lo yaakuwa iwitorifa. De ka o nyawa moi lo iwikelelo waasi eko o nyawa moi lo iwinano yaakuwa. So ngohi togolo tanu Awi ronga posilamo de o horomati Unaka, de lo tanu Awi pareta ma bati lo ihiwa. Amin.

Ibrani 13:21

asa ngini winisidailako o bi loha moi-moi dangodu wodogo daasu-asu nginika, la ngini o bi moi-moi maro o kia Una wodudupa magena aku niaaka. Sababu o Yesus Kristus Awi manara nginika, so ngohi togololi tanu o Gikimoi asa o bi moi-moi maro o kia Una wodudupa magena to ngini nia sininga ma rabaka womanara. Tanu Una magena Awi ronga posilamo ka sidutu ikakali. Amin.

1 Petrus 4:11

Komagena o nyawa nakoso de manga cocatuka ma ngale aku o nyawa yadoto, hika yodoto imatero maro de o dodoto gena igogou o Gikimoi Awi demo masirete wapepeto. O nyawa nagoonali nakoso de manga cocatu ma ngale yaaku yaleleani, hika de o Gikimoi Awi buturu o manara magena bilasu yaaka. Ka ma ngale ngini gena o Yesus Kristus wosone, so ma ngale ngini lo nia manara moi-moi dangodu ma rabaka gena asa o Gikimoi wigiliri. Igogou de itero, ma Kristus gena foloi wolamo de lo wokokuasa ka sidutu ikakali. Amin.

1 Petrus 5:11

Igogou de itero, o Gikimoi gena foloi wokuasa ka sidutu ikakali. Amin.

2 Petrus 3:18

Duma tanu ngini magegena aku nianako ifoloi o Yesus Kristus, gena nanga Jou de nanga dorouno wonasisosalamati, Una magena winidogo dabolo o loha ifoloi ilamo la Una lo foloisi niwinako. Jou, igogou Ngona gena foloi nolamo ka sidutu ikakali. Amin. Ngohi Petrus

Yudas 1:25

Sababu ngohi tanako igogou de itero, Una magena foloi wolamo de lo wokokuasa ka ma nonomasi de isikahika ka sidutu ikakali. So ma ngale o Yesus Kristus to ngone nanga Jou wonasiputuru, so o Gikimoi womatetengo de lo wonasisosalamati hika Una magena Awi ronga igogou posilamo. Amin. Ngohi Yudas

Gogelelo 1:9

Ngohi manena o Yohanes to ngini nia dodiao moi o Yesus wipipiricayaka. So maro ngini komagena lo ngohi o Gikimoi Awi pareta todamaha so ngaroko ngohi isisangisara, duma o sangisara gena ngohi tamoku. Komagena so o Gikimoi Awi demo de lo ma ngale Una gena o Yesus wosingangasu itotiai, de magena ngohi lo tosihabarika so asa iumo o Patmos ma guraka.

Gogelelo 4:11

“Igogou, Jou, Ngona mia Gikimoi! Ka Ngona notero bilasu nisigiliri de nisihoromati, de lo nokuasa so Ani ronga isilamo. Sababu Ngona gena o bi moi-moi dangodu nosidadi, de to Ngona Ani dupa so dangodu gena idadi de ioho.”

Gogelelo 5:10

Ona naaso la idadi Ani habari isingongangasu ma ngale o Gikimoi iwileleani, ipareta dede Una o dunia ma bi doku.”