Filemon 1:22 - O GIKIMOI AWI JAJI ma BUKU

²² De kanaga ai gogolo moili gena tanu o ngihi moi nosidailako ma ngale ani tahuka asa tomasidodogu. Sababu ngini nia sumbayang niatide o Gikimoika ma ngale ngohi, so ngohi tongongano Una asa o bui ma rabano woisisupu la aku tokahika kali nginika.

Filemon 1:22 ပူးပေါင်းရင်းမြစ်များ

Rasul 27:24

‘He, Paulus! Ngona ma Kaisar Roma bilasu nowirisima, la ma ngale o Gikimoi Awi laha ngonaka so o nyawa ningodu nisiside gena upa nibodito, so ngaroko upa he nimodoli.’

Rasul 28:23

So kagena de o Yahudika manga roriri isitatapu ma orasi de ma wange la aku ona yahino unaka imatolomu kali. So ma orasika de ona magena yahino foloisi yadala o Paulus awi dodoguka, so ka o goginita nosi de o Paulus wosihabari de wadoto onaka womatoguwa ma bati imada-madaka. Una wosihabari ma ngale idodooha o Gikimoi wokolano de wopareta o bi nyawaka, de lo o bi bobita o Musa wosilelefoka bai lo o bi nabi manga buku ma demo wadoto la manga sininga wadeha ma ngale yopiricaya o Yesus Una magena igogou o Salamati ma Kolano.

Roma 15:24

So ngohi ai edekati gena asa tahika tinikurumi nginika ma orasi ngohi totagi o Spanyol ma daeraka. O dodagi manena ma rabaka done to ngini nia daeraka tokahika de sidago lo tatiho, de ngaroko ka jai-jai bato, duma ngohi tongongano aku totulu nginika la pomakamake kali de nanga nalika. Dabolo de aku lo niriwo ma ngale to ngohi ai dodagi tadofa o Spanyolka.

2 Korintus 1:11

De igogou ngomi de ngini lo kanaga aku pomatekemanara moi de moika, sababu ma ngale ngomi gena ngini lo nisumbayangka. De ma ngale ngomi kanaga o nyawa yadala lo isumbayangka, so o Gikimoi Awi laha womisidumu sidago o nyawa yadadala lo asa itemo, “Ya, Jou! Ani laha ka ilamo poli.”

Filipi 1:19

ma sababu magena ngohi tanakoka, done ngohi ma kolano awi hakim ma simaka, ma ngale ngohi manena ngaroko o sangisara dangodu ma rabano gena aku isisupu eko hiwa, ngohi asa tamake o utungu. Sababu ma ngale ngohi ngini niasumbayang ma rabaka gena niwosawa de o Yesus Kristus Awi Gurumi lo aku ngohi woiriwo.

Filipi 2:24

De ngohi towipiricaya o Jouka la Una asa waaka so itekawa de ngohi lo aku tahika tinikurumi nginika.

Ibrani 13:19

De ma boboloika ngohi manena togolo tanu ngini ngohi nisisumbayang o Gikimoika la taika ngohi woisigiliho kali nginika.

Ibrani 13:23

Bilasu nianako ngone nanga dodiao wopipiricaya moi, o Timotius, una magena o buino wisisupuka. Nakoso una taika womasidiado kanena de ma orasi ngohi ngini tinikurumi gena, ngohi asa una towingaho.

Yakobus 5:16

So nakoso kanaga ngini la de nia dorouka, hika ngini nimangaku kasi moi de moika, komagena lo ngini moi de moika gena hika nimasumbayang, la ma ngale o Jou aku winisiloha. Sababu o nyawa nakoso kanaga manga sininga itotiai de manga sumbayang yatide o Jouka, gena ma ngale Awi laha foloisi ilamo aku idadi.

2 Yohanes 1:12

Ngaroko ngohi kanaga de ai beseso ma binukali bilasu tinisingangasu nginika, duma ngohi tamalo ngaroko upa de o surati eko de ai pena tosilefoli. Sababu nagala itekawa de tanu ngohi asa tahika kagena nginika de asa pomakamake kali. La ma ngale ngohi de ngini gena de nanga nali de nanga more foloi ilamo.

3 Yohanes 1:14

Sababu nagala itekawa de tanu ngohi asa tahika kagena ngonaka de asa pomakamake kali.