Filemon 1:2 - O GIKIMOI AWI JAJI ma BUKU

² De ngomi lo misidingo o salam tanu asa pomakamake de ona yasinoto to ngomi mia dodiao ma Kristus wipipiricaya, ona magena o Apfia de lo o Arkhipus. Una o Arkhipus maro o prajurit moi o komandan ma beseso waaka wokaeli, sababu una lo ma Kristus wileleani wokaeli. De lo misidingo o salam tanu asa pomakamake de o bi gogobu ona yangodu kagena Filemon ani tahuka yodupa imatotolomu.

Filemon 1:2 ပူးပေါင်းရင်းမြစ်များ

Roma 16:1

Ngohi todupa o ngopedeka moi ami giliri tinisinako nginika, muna magena nanga dodiao mopipiricaya moi ami ronga ongo Febe. Muna gena o gogobu o Kengkrea ma kotaka manga leleani moi.

Roma 16:5

Ai salam tosidingo o gogobu yomatotolomu kagena ona yasinoto manga tahuka. Ai salam tosidingo o Epenetuska, una towidododara. Una gena o nyawa ma nonoma ma Kristus wipiricaya o Asia ma daeraka.

1 Korintus 16:19

O bi gogobu o Asia ma daeraka ona magena manga salam yosidingo nginika. O Akwila de ma pedeka ongo Priskila lo de kanaga o nyawa ipipiricaya la imatotolomu manga tahuka, ona magena yangodu manga salam idala yosidingo nginika.

Filipi 2:25

Nakoso o Epafroditus, una magena ai dodiao wopipiricaya de womomanara gena, bilasu ngohi towisitatapuka de asa towisulo wokahika woliho kali nginika. Una magena lo ngaroko ngohi de ai sangisara ilamo, duma una dede ngohi mimakomote imatero o prajurit moi de awi dodiao so imakangaho la itagi yokudoti. Una magena ngini niwisulo la wahino ngohino ma ngale ngohi ai kurangi ma rabaka de woileleani.

Kolose 4:15

Mia salam misidingo o nyawa ipipiricaya o Laodikiaka, de lo ongo Nimfaka de ona o gogobu imatotolomu kagena to muna ami tahuka.

Kolose 4:17

De lo niwisingangasu o Arkhipuska nitemo, “Ani manara idomaka o Jou wositatapu la ngona naaka gena, bilasu nosibolo de nositiai dabolo kasi.”