Filemon 1:14 - O GIKIMOI AWI JAJI ma BUKU

¹⁴ Duma ngona tonigolowa de noisimaha waasi, so ngohi tositatapuka upa lo towisulo sidago una aku wogoge dede ngohili. Upa sidago lo una wogoge de woiriwo ngohi duma ngona asa nosimaha waasi. Lebelaha kanaga de ani dupaka la aku ngona asa ngohi noiriwo kali.

Filemon 1:14 ပူးပေါင်းရင်းမြစ်များ

1 Korintus 9:17

Nakoso tosiade-ade, la ngohi o habari daloloha tosihohabari gena ma sihino to ngohi ai dupa masirete, de itiaika la ngohi tongongano ai manara ma fanggali aku tamake. Duma ngohi o habari daloloha tosihohabari magena ma sihino to ngohi ai dupa masirete dasowo, sababu ai manara magena o Gikimoi ngohi woihike la taaka.

1 Korintus 9:7

Igogou, o prajurit moi lo wihiwa, la ma orasi una o kudoti ma rabaka, de bilasu awi oho gena wosisari. Awi oho gena ma kapita kanaga wojaga. De nakoso yototoro gena, ka daloha manga manara ma sopo gena yaodo. De o sowohi gena, ka daloha nakoso o duba de o kabi ma susu magena yaudo.

2 Korintus 1:24

Upa sidago ngomi minisulo ifoloi de magena maro ngini tinisidipito ma ngale nia piricaya miapareta, sababu ngini nia piricaya daputuru ma Kristuska. Ngomi mia ngale gena maro de nia dodiao so mimanara la ngini asa igogou ninali.

2 Korintus 8:12

Dadoohawa, nakoso ngini niaakuwa. Sababu nakoso ngone nanga buturu masirete pamomote gena ka pokaeli pahike de nanga sininga itotiai, de nanga ngongike magena o Gikimoi asa wadehe daloha.

2 Korintus 9:5

Komagena so ngohi tosininga ka daloha ona yaruwange tasulo la ikahika idoma nginika, ma ngale ngini nia roriwo o pipi kiaka o ngongike nijajajika gena ona aku yaaturu. Komagena taaka la ma orasi ngohi tahino de dangodu magena asa isidailako dabolo, de isikelelo nia roriwo o pipi gena kanaga nihike de nia sininga isosanangi, upa de nigegego.

2 Korintus 9:7

Ngone o nyawamoi-nyawamoi bilasu pahike de nanga sininga isosanangi, maro o kia naga idomaka ngone pasitatapu daboloka. Upa pohike de nanga sininga datubuso de upa lo ka ma ngale inasulo sidago ngone posininga bilasu pahike. Sababu o Gikimoi wadodara o nyawa kiaka kanaga yahihike manga sininga de ma nalika.