Filemon 1:13 - O GIKIMOI AWI JAJI ma BUKU

¹³ Ma orasi ngohi ibuika sababu o habari daloloha tosihabari, de ka todupasi towisulo la maro to ngona ani dagali moi gena una wogoge de woileleani ngohi.

Filemon 1:13 ပူးပေါင်းရင်းမြစ်များ

1 Korintus 16:17

Ngohi kanaga de ai nalika, ma orasi o Stefanus, o Fortunatus, de o Akhaikus imasidiado kanena ngohika, sababu ona magena kanena idadi to ngini dagali la ngohi iriwo.

Efesus 3:1

O Yahudika ma nyawa de o Yahudika ma nyawa yasowo ona magena o Gikimoi wasirimoi daboloka, komagena so ngohi, Paulus, ma ngale ngini gena togolo Unaka. Ngohi kanaga ibuika, sababu ma ngale o Yesus Kristus ngaroko ngini o Yahudika ma nyawa nisowo gena tinisihabarika.

Efesus 4:1

Mutuwade, ai dodiao nipipiricaya, kiaka kanena ngohi ibuika ma ngale taaka o Jou Awi manara gena, tinibaja de togolo nginika la tanu ngini o kia naga moi-moi niaaka bilasu imatero maro o nyawa o Jou wahihirika yaaka.

Filipi 1:7

Ma ngale ngini gena ngohi tinisininga daloha, sababu ngini gena maro ka to ngohi ai kusi-kusi. Ngini magena, nako o Gikimoi Awi manara gena ngohi wositatapu la taaaka, de igogou ngini ningodu lo to ngohi ai dodiao pomomanara, bai o orasi manena ngohi o bui ma rabaka, bai lo ipasaka ma ngale o habari daloloha gena ngohi o nyawa ihoholu manga simaka tasinako itiai.

Filipi 2:30

Sababu ma ngale ma Kristus Awi manara waaka, ngaroko una magena awi bodito ilamo, duma awi rohe wosibataru sidago lo wodupa wosone. Waaka komagena ma ngale una aku ngohi woiriwo maro to ngini nia dagali moi.

Filemon 1:1

Filemon, ngona gena ngomi mia dodiao o manara moi ma rabaka so minidododara. Ngohi, Paulus, ma ngale o Yesus Kristus towileleani so o bui ma rabaka, de o Timotius nanga dodiao ma Kristus wipipiricaya, o surati manena ngomi minisidingo ngonaka.

Filemon 1:10

so asa togolo ngonaka la tanu kanaga ai ngopa moi gena asa ngona nowiriwo. Una magena maro ai ngopa masirete. Sababu ma orasi ngohi o bui ma rabaka de o habari daloloha towisingangasu unaka, de maro o ngopa moi awi rohe ma sihino ma babano so to una awi piricaya lo ma sihino ngohino. Una magena awi ronga o Onesimus (de awi ronga ma ngale gena faida daloha).

Filemon 1:12

So o Onesimus una foloisi towisayangi maro ka to ngohi ai kusi-kusi de una magena asa towisulo la wotagi woliho ngonaka.