Filemon 1:12 - O GIKIMOI AWI JAJI ma BUKU

¹² So o Onesimus una foloisi towisayangi maro ka to ngohi ai kusi-kusi de una magena asa towisulo la wotagi woliho ngonaka.

Filemon 1:12 ပူးပေါင်းရင်းမြစ်များ

Markus 11:25

De lo nakoso ngini nisumbayang duma nia sininga isanangiwa de o nyawa ma somoa, nitagi la niasiapongu kasi. La ma ngale to ngini lo nia dorou de nia sala moi-moi asa nia Baba o sorogaka winisiapongu. [

Lukas 15:20

Magena de una womajoboka wokahika awi babaka. O tahuka de ma gaku kasi, de awi baba asa wikeleloka. De awi galusiri ibao so womagogora wisibubusu awi ngopa, de wimake una so wikololo de lo wihame.

Efesus 4:32

Duma ngini bilasu nimatekegalusiri moi de moika, de niadupa ka cawali o loha niaaka de lo nimasikaapongu moi de moika, imatero maro o Gikimoi winisiapongu dabolo nginika, sababu igogou ngini de ma Kristus nimarimoika.

Filemon 1:11

Ngaroko idodomaka asa una awi riwo datorou de ma faida ihiwa ma ngale ngonaka, duma o orasi manena ma ngale awi riwo ngona de ngohika gena ka dalohaka so awi faida lo daloha.

Filemon 1:13

Ma orasi ngohi ibuika sababu o habari daloloha tosihabari, de ka todupasi towisulo la maro to ngona ani dagali moi gena una wogoge de woileleani ngohi.