Dodadi 9:3 - O GIKIMOI AWI JAJI ma BUKU

³ De lo o bi moi-moi iooho dangodu magegena ngini tinihike la aku niaoodo, maro idomaka Ngohi tinihike o bi gaahu de o bi gota ma sopo.

Dodadi 9:3 ပူးပေါင်းရင်းမြစ်များ

Dodadi 9:2

De o bi haiwani itatagi o dududuka, de o bi namo o ngawa-ngawaka, de lo o bi nao o teoka gena dangodu asa nginika inimodo, de ngini lo tinihike o buturu la dangodu maena asa niapareta.

Roma 14:14

Ngohi de o Jou Yesus mimarimoika, so igogou tanakoka o kia naga ngone paodoka magena moi lo akuwa o dorouka inangaho. Ka cawali nakoso o nyawa la kanaga yamalo o ino kia naga moi datotorou, de igogou magena datorou onaka. So upa sidago ona magena ngini niabaja o ino magena yaodo.

Roma 14:17

Sababu nako o Gikimoi ngone wonapopareta gena, o bobita o kia naga paodo de paudo gena posigise ma ngale magena dasowo. Duma ma ngale gena igogou o moi-moi o kia itotiai gena paaka, de nanga oho ma rabaka gena ka cawali o rimoi de o sohi, de lo o Gurumi Datetebi ma buturu so pomore de nanga nalika.

Roma 14:20

Upa sidago ma ngale ka o ino de o Gikimoi Awi manara gena o nyawa ipipiricaya moi awi sininga ma rabaka pasisa. Ngaroko o ino dangodu gena o Gikimoi wonasimaha paodo, duma dalohawa nakoso o ino o kia naga paodo so o nyawa o salaku itura de o kia yamalo itotiai gena yamote kawa.

Roma 14:3

Nako komagena, de o nyawa la kanaga itemo o kia bato yaodo gena ka idadi, de upa sidago yaduhudu o nyawa itemo idadiwa. Komagena lo o nyawa la kanaga itemo idadiwa, de upa sidago o nyawa itemo ka idadi gena yasisala. Sababu o nyawa itemo ka idadi, ona magena o Gikimoi masirete asa wadehe dalohaka.

1 Korintus 10:23

Ngini nia sidongirabaka ma binuka nitemo, “Ka idadi nakoso ngone paaka o kia bato podudupa.” Magena itiai, duma o bi moi-moi ngone podudupa gena dangoduwa maro o kia naga daloloha ngoneka. Ngaroko igogou o kia bato podudupa gena ka idadi ngone paaka, duma idadiwa o bi moi-moi paaaka gena dangodu o nyawa nanga siningaka isiputuru.

1 Korintus 10:31

Duma ngohi tosango totemo o kia bato paaaka, ngaroko poodo eko poudo gena, o bi moi-moi dangodu ma rabaka hika paaka la aku o Gikimoi wihoromati de wigiliri.

Kolose 2:16

So bilasu ngini gena upa niasimaha o nyawa kanaga nisisala so bilasu ngini inifanggali de o dorou, nakoso nisidoohawa o bobita o kia naga ngini niaodo de niaudo, eko o rarame o kia bato koloko o taungu isigeto ma rarame, eko ma orasi o ngoosa ma nisa ma rarame eko lo o Yahudika manga Sabat ma wange.