Dodadi 7:1 - O GIKIMOI AWI JAJI ma BUKU

¹ De o Jou wotemo kali o Nuhka, “Hika ngona de ani tahu ma raba moi ningodu nowosa o deru ma rabaka. Sababu o nyawa yangodu manga sidongirabaka ka cawali ngona gena o moi-moi o kia itotiai gena naaka o nyawaka.

Dodadi 7:1 ပူးပေါင်းရင်းမြစ်များ

Dodadi 6:18

Ka cawali ngona gena asa Ngohi tonijaji, so hika ngona notagi o deru magenaka nowosa, ngona de ani pedeka de lo ani ngopa-ngopa de manga pedeka.

Dodadi 6:9

O Nuh awi jarita gena kanaga una de awi ngopa yaruwange, ena gena o Sem de o Ham, de lo o Yafet, de o bi nyawa yangodu manga sidongirabaka ka cawali una magena o moi-moi o kia itotiai gena waaka o nyawaka, de o nyawa moi lo akuwa awi sala yamake. Una magegena o moi-moi waakaka imatero maro una dede o Gikimoi imarimoika.

Dodadi 7:13

Ngaroko komagena, o wange magegenaka una o Nuh o deru ilalamoku wopane daboloka, una de ma pedeka de lo awi ngopa yaruwange manga ronga o Sem, o Ham, de o Yafet, de lo manga pedeka.

Dodadi 7:7

So kagena de o Nuh de ma pedeka de lo ma ngopa de manga pedeka ona yangodu o deru ilalamo magenaku yopaneka ma ngale upa sidago o taufani de yalutu.

Lukas 1:6

Yasinoto magena o Gikimoi Awi simaka manga sigogise daloha Awi bobita dangoduka, de yacoho itiai so manga sala o nyawa moi lo akuwa yamake.

Lukas 17:26

Duma o kia naga done asa idadi ma orasi Ngohi o Nyawa ma Duhutu tahino kali, imatero maro o kia naga idadadi idomaka ma nabi Nuh awi orasika.

Rasul 2:39

Sababu o Gikimoi Awi jaji done asa o Gurumi Datetebi wahike gena, ma meta nginika sidago nia ngopa de nia danoku de lo ma meta o bi nyawa yangodu kanaga manga riho ikukuruka, ena gena nagoona bato nanga Jou Gikimoi wodupa waaso so ona yahino Unaka.”

Ibrani 11:7

Ma ngale o Nuh awi piricaya so una asa wisigise o Gikimoika. O Gikimoi wisingangasu unaka done asa o nguuhi ilalamo moi waaka sidago idadi o taufani de o bi moi-moi iooho o duniaka gena dangodu wasisa so isoneka. So ngaroko ma moi-moi maro komagena o Nuh wamake waasi, una asa o Gikimoi Awi beseso wosigise de o deru ilalamo-lamo moi waaka, la ma ngale una de awi tahu moi ma raba upa isone. Ma ngale awi piricaya so o nyawa ma binuka ipipiricayawa ona magena asa de manga salaka, duma o Gikimoi waaka so o Nuh awi sininga itiai Unaka.

1 Petrus 3:20

Ona yabuika, sababu idodoma-domaka ona iholu iwisigise o Gikimoi ma orasi o Nuh ka woohosi. O orasi magenaka, de ma deka idodooha una o deru ilalamo gena waakasi, de o Gikimoi Awi sabari foloisi wosikuru wodamaha la o nyawa ma binuka gena aku imatoba de imatoduba. Duma iholu so o taufani imasidiado, de o ake idola foloi ilamo so yangodu yalutuka, so ka cawali o nyawa yatupaange ipane o deru ma rabaku so ka ona magena isalamati.