Dodadi 48:5 - O GIKIMOI AWI JAJI ma BUKU

⁵ So, ai ngopa Yusuf, ani ngopa yanau yasinoto o Manasye de o Efraim ma orasi ngohi o Mesirno tahino waasi de yasibuoka, ona magena o orasi manena imatero de to ngohi ai ngopa masirete. So maro ai ngopa o Ruben de o Simeon gena done ai pusaka magena yamake, so ona lo maro ai ngopa masirete so done ai pusaka lo yamake.

Dodadi 48:5 ပူးပေါင်းရင်းမြစ်များ

Dodadi 46:20

O Yusuf awi ngopa yanau yasinoto gena o Manasye de o Efraim. Ona magena o Yusuf ma pedeka ongo Asnat o Mesirka mopuo. Muna gena o On ma kotano ma imam awi ronga o Potifera gena to una awi ngopa ngopedeka.

Dodadi 48:1

La o moi-moi magena ipasaka de kanaga o nyawa iwisingangasu o Yusufka itemo, “Tuan, ani baba gena wopanyake.” So o Yusuf wotagi awi ngopa yasinoto o Manasye de o Efraim wangoso de ona yaruwange gena ikahika ma baba o Yakubka.

Dodadi 48:6

So nako ma duuruka, la kanaga de ani ngopa yanau ona magena maro ka to ngona masirete. So inonongoru ona magena to ona manga pusaka masirete gena upa he yamake, duma yamake gena maro ka yoriria o Manasye de o Efraim to ona manga ngopaku.

2 Korintus 6:18

Ngohi asa todadi to ngini nia Baba, de ngini gena asa nidadi to Ngohi Ai ngopa-ngopaka.’ Komagena o Jou Wokokuasa Awi demo.”

Efesus 1:5

Ma nonomasi, de ma sababu Una ngone wonadodara, so Una wositatapuka la bilasu o Yesus Kristus wosone ma ngale ngone wonatide la podadi to Una Awi ngopa masirete. Imamote de kanaga o Gikimoi Awi edekati de Awi dupa masirete gena komagena.

Ibrani 11:21

Ma ngale o Yakub awi piricaya so ma orasi he yadangade wosone, de o Yusuf awi ngopa yasinoto wasigolo o Gikimoika la to Una Awi laha idogo, so una awi didikika womasigocoho de wosuba o Gikimoika.