Dodadi 48:20 - O GIKIMOI AWI JAJI ma BUKU

²⁰ De lo o wange magena wogolo kali o Gikimoika la Awi laha wosidumu onaka wotemo, “Tanu de to ngini nia ronga done o orasi ma simaka o Israel ma nyawa asa o Gikimoika la Awi laha yagolo de yotemo, ‘Tanu o Gikimoi Awi laha wosidumu ngonaka, maro Awi laha wasidumu o Efraim de o Manasyeka.’ ” So komagena wososininga o Efraim gena foloi wilamo de ma ria o Manasye.

Dodadi 48:20 ပူးပေါင်းရင်းမြစ်များ

Dodadi 24:60

So ona manga sininga ma loha isidumu so ongo Ribka mitemo, ma demo gena komanena, “Ngona nanga bira gena tanu nodadi o nyawa yadadala manga awa. De ani ngopa de ani danoku yapareta manga saturu ma bi doku.”

Dodadi 28:3

Tongongano de togolo tanu o Gikimoi Wilalamo asa Awi laha wosidumu ngona de ani pedekaka, la asa nipuo sidago lo ani ngopa de ani dano done ifoloisi idogo de yadala. La ma ngale ani ngopa de ani danoku done asa yobuo-buo sidago manga bangsa ma bolu gena yadala o duniaka.

Dodadi 48:21

Bolo, de asa wosibeseso o Yusufka wotemo, “Ai ngopa, ngohi ai sone ma orasi gena he idumuka, duma ngini gena nanga Gikimoi asa winidongosawa de lo waaka la done kadoka o Kanaan ma tonaka, to ngini nia baba de nia ete manga tonaka, kagena aku niliho kali.

Ibrani 11:21

Ma ngale o Yakub awi piricaya so ma orasi he yadangade wosone, de o Yusuf awi ngopa yasinoto wasigolo o Gikimoika la to Una Awi laha idogo, so una awi didikika womasigocoho de wosuba o Gikimoika.