Dodadi 48:11 - O GIKIMOI AWI JAJI ma BUKU

¹¹ De awi baba wotemo unaka, “Idodoma asa ai sininga ma rabaka ngohi he toningongano kawa done aku ngona tonikelelo kali. Duma o Gikimoi woisimahasi la o orasi manena bai to ngona ani ngopa bai aku takelelosi.”

Dodadi 48:11 ပူးပေါင်းရင်းမြစ်များ

Dodadi 37:33

So de manga baba o juba magena wakelelo de woari wotemo, “Igogou! O juba manena to ngohi ai ngopa awi juba. Kodo! O haiwani ifofufuru moi wiodo wigoli-golika.”

Dodadi 37:35

Awi ngopa de awi modoka ona yangodu yahino la ma ngale awi gari yatogu, duma una gena woholu so wotemo, “Kodo, ai ngopa! Kodo, ai ngopa!” Manga baba magena woari sidago una magena womatotore wotemo, “Kodo, ai ngopa! De ka ai gari sidago lo tosisone de o sone ma rihoka towosa.” Gena woari womatogu-toguwa.

Dodadi 42:36

De manga baba wotemo, “Kodo! Ngohi de ai ngopa nisiritingaka. Ai ngopa Yusuf wihiwaka, de o Simeon lo wihiwaka, sidago lo niadupa ai ngopa Benyamin gena niwingoso kali. Kodo! Ai sininga ka niasiri kali.”

Dodadi 45:26

Yahika so yaadoka, de manga babaka yotemo, “Pei! O Yusuf ka woohosi bai. De una lo o Mesir ma bi doku dangodu wapareta de wodadi ma Kolano Firaun awi wakil moi.” Manga baba magena awi sininga ma rabaka maro ka wogamamu so wapiricaya waasi.

Dodadi 48:12

Wakololoka, de o Yusuf awi ngopa ma baba awi ugu ma dateka gena wangoso de wobukuku de wisuba ma babaka.

Efesus 3:20

O Gikimoi Awi kuasa la kanaga imanara to ngone nanga siningaka, gena foloisi itiai. De Awi kuasa gena o Gikimoi aku waaka ifoloi de o bi moi-moi dangodu ngone pogogolo de podudupa.