Dodadi 45:3 - O GIKIMOI AWI JAJI ma BUKU

³ Kagena de awi gianongoru yamogiowo de moika womasinako de wotemo, “Ngohi manena o Yusuf! Nanga baba ka woohosi?” Duma awi gianongoru gena yosango yaakuwa, sababu awi demo ona yoise de manga raba itututu de yamodoka.

Dodadi 45:3 ပူးပေါင်းရင်းမြစ်များ

Dodadi 37:20

Hino la ngone powitoomaka. La dabolo de awi rohe paumo o sumu moi ma ake ihihiwaku. La ngone posingangasu o haiwani ifufuru asa wiodoka. La upa he una wonapareta, maro o kia idomaka to una awi doguruga wonasijarita ngoneka.”

Dodadi 42:21

Imasidailakosi, de awi ria-ria imatekebicara itemo, “Dede! Ngone lo igogou inasisangisara, sababu idodoma ngone lo, kodo, nanga nongoru powisangisaraka. Una wonabaja ifoloi la upa powiumo so awi sininga foloi iruwahe, gena ngone masirete pakelelo de poholu powisigise. Komagena so ngone lo o sangisara ma dagali magenena pamake.”

Dodadi 42:22

De manga ria o Ruben wotemo, “Gena! O kia totemo idomaka, ‘Upa powisone bai.’ Duma nisiholu so o kia idadi ngoneka o orasi manena to una awi sone gena bilasu ngone patagali.”

Dodadi 43:27

Wisubaka, de una awi ria-riaka wobicara wotemo, “So to ngini nia baba, idomaka nisingongangasu ngohika gena wiperekika, de ka wososanangi eko hiwa. Ka woohosi?”

Lukas 5:8

Magena o Simon Petrus wakelelo, de gila-gila una wobukuku o Yesus Awi simaka de wotemo, “Jou, noidongosa ngohi! Sababu ngohi o nyawa ma dorou!”

Rasul 7:13

Ma orasi itagi imaija ma sinotoka, de o Yusuf womasinako awi ria-ria de awi nongoruka, de kagena asa wangaho ona o Mesir manga kolanoka, la una wanako itiai ona magena o Yusuf awi gianongoru.

Rasul 9:5

De o Saulus wosanoli, “Ya, Jou! So Ngona naguuna.” So kagena de o ili magena itemo, “Ngohi manena o Yesus, kiaka ngona noisasangisara gena.

Gogelelo 1:7

Hika ngini niakelelo! Una magena kanaga wahino wouti o lobi-lobi ma rabaku. De o bi nyawa yangodu lo Una gena iwikelelo komagena ona iwitotooma lo. So o dunia ma bi soa dangodu ma ngale Una iari de yododora. Igogou! Una asa wahino.