Dodadi 42:9 - O GIKIMOI AWI JAJI ma BUKU

⁹ De una wosininga awi doguruga idodoma, kiaka awi ria-ria ona magena ibukuku isuba unaka. So una wasihaga wotemo, “Ngini manena koloko o nyawa itatailako so nimisidadase. La ma ngale kiaka mia doku-doku ma jojaga de maena eko ihiwa gena niatailako.”

Dodadi 42:9 ပူးပေါင်းရင်းမြစ်များ

Dodadi 37:11

Bolo awi ria-ria ona magena asa widoosa kali unaka. Duma ma baba gena o doguruga magena ka wososininga de watagapi.

Dodadi 42:16

So bilasu nimakihiri la ngini o nyawa moi womatengo gena wotagi woliho la nia nongoru magegena niwingoso kasi. De ngini ma binuka gena kanena o buika nigogoge. So ma ngale komagena nia demo magena itiai eko itiaiwa gena tatailako kasi. So nakoso nia nongoru una magena iwihiwa, so nia demo gena ka nikuali, de ngohi asa tanako igogou ngini manena gena o nyawa itatailako so bilasu tosulo la nitooma.”

Dodadi 42:34

Duma niatota daboloka, de bilasu niakahino kali de nia nongoru niwingaho la kanena niwisikahino. Nakoso komagena, de ngohi aku tanako igogou ngini gena nia sininga daloha de itiai, de nitatailakowa. So nia gianongoru moi towisibuika, gena ngohi asa towisisupu de towisigiliho nginika, de ngini lo tinisimaha la aku nikahika de nikahino mia doku ma rabaka.’ ”

Lukas 20:20

So ona magena o ngeko moi yosari la aku Una witago. Ona asa o nyawa yabaja de yasulo la ona magena itagi imaaka maro o nyawa manga sininga ibolowo, duma de manga edekati Una iwisabatolo de o sosano moi, ma ngale Una iwisisala de iwikalaki ma gubernurka.

Ibrani 11:31

De lo ma ngale ongo Rahab ami piricaya so muna upa mosone dede o Yerikhoka ma bi nyawa o Gikimoi wisigogiisewa. Sababu o ngopedeka muna magena, ngaroko mosusundali de ami rohe momasiiija moi, duma o Yahudika ma nyawa kanaga yamuruo naga yasidadase la o doku magena yatailako de ona magena muna madehe daloha ami tahuka mamingihuka.