Dodadi 42:1 - O GIKIMOI AWI JAJI ma BUKU

^1-2 O habari magena manga baba Yakub o Kanaan ma dokuka wogiise o ino gena kanaga o Mesir ma dokuka, so wotemo awi ngopa-ngopa yanauka, “Ngohi o habari togiiseka, o nyawa isibicara de itemo o Mesir ma dokuka gena de ma ino. So ngini upa kanena niodamaha, duma kadoka nitagi nimatai-tai. Nitagi nikahika la kadoka o Mesirka asa o ino nimaija. Upa sidago nanga ino damata de ngone posone.”

Dodadi 42:1 ပူးပေါင်းရင်းမြစ်များ

Dodadi 41:54

De o taungu tumudingili ma orasi o ino damataka gena yaadoka, maro o kia idodoma o Yusuf wosingangasu daboloka. De o bi doku dangodu o Mesir ma tona ma sigilolika kagena lo o ino ihiwa so manga oho isangisara. Duma o Mesir ma bi doku ma rabaka gena kanaga o gugutu ma orasi de imadiahika.

Dodadi 41:57

De o bi doku ma somoano yangodu lo o Mesir ma tonaka yahino la o ino ma wakil o Yusuf wadodiahika gena kagena yoija, sababu ona yangodu lo manga ino damataka.

Rasul 7:12

Ma orasi o Yakub wogiise o Mesir ma dokuka o gandum de maena, so ma nonomaka wasulo awi ngopa-ngopa, ena gena nanga ete de nanga topora, itagi imaija.

Galatia 2:7

Ona ngohi igolowa, duma o Yakobus, o Petrus, de lo o Yohanes ona magena asa igogou inako ka o Gikimoi ngohi woipiricaya so o habari daloloha gena woihike ngohika, ma ngale totagi tosihabari o bi nyawa o Yahudika yasowo. Gena ka imatero wisipiricaya o Petruska so o habari daloloha gena wihikeli unaka, ma ngale wotagi wosihabari o Yahudi ma nyawaka.