Dodadi 41:54 - O GIKIMOI AWI JAJI ma BUKU

⁵⁴ De o taungu tumudingili ma orasi o ino damataka gena yaadoka, maro o kia idodoma o Yusuf wosingangasu daboloka. De o bi doku dangodu o Mesir ma tona ma sigilolika kagena lo o ino ihiwa so manga oho isangisara. Duma o Mesir ma bi doku ma rabaka gena kanaga o gugutu ma orasi de imadiahika.

Dodadi 41:54 ပူးပေါင်းရင်းမြစ်များ

Dodadi 41:27

O sapi ngai tumudingi dapopelela gena lo imatero de o gegeto o taungu tumudingi. De lo ma goko tumudingi damalai gena imateroli o taungu tumudingi kali. Gena imatero done o taungu tumudingi ma raba o ino gena damataka, so o bare o Mesir ma tona dangoduka.

Dodadi 41:30

Duma dabolo de o taungu tumudingi ma sima kali, de o ino asa ihiwaka, so o bare ilalamo yamosaka. Sidago o nyawa moi lo akuwa wosininga idodoma gena o ino idala de moi lo waali ikurangi.

Dodadi 41:53

Bolo, so o taungu tumudingi de o gugutu ilalamo gena ipasaka.

Dodadi 43:1

Bolo, de kagena o Kanaan ma bi nyawa yangodu ona manga ino damata de o bare ilalamo gena imatoguwa.

Dodadi 45:11

De ai dateka kanena o Gosyen ma pidoka ngohi asa ngona tonipalihara. Sababu o taungu motoha ma simaka done asa o ino gena ihiwa. De upa sidago ngona de ani tahu moi ma raba gena niasusa ilamo. De ma ngeko komagena la to ngini nia kia naga moi lo upa ikurangi. Sidago kagena.’

Dodadi 47:13

Kanaga de o Mesir ma bi doku de lo o Kanaan ma bi dokuka ona yangodu manga ino gena ihiwa-hiwaka.

Rasul 7:11

Dabolo de o Mesir ma dokuka o bare imasidiado, so o nyawa manga sangisara datubuso, sidago nanga ete de nanga topora o Kanaanka lo manga ino ihiwa.